MUS, FSB i ministerstva abarony Rasii pavialičyli ŭ piać razoŭ zamovy na 2016 hod na pastaŭku hranatamiotnaha kompleksu RHS-50M, jaki vykarystoŭvajecca śpiecpadraździaleńniami dla spynieńnia masavych biesparadkaŭ.
«Zamovy na nastupny hod pa im uzraśli ŭ piać razoŭ, bolš za ŭsio zamaŭlaje MUS, akramia taho, pastaŭki ažyćciaŭlajucca ŭ FSB i minabarony», — paviedamiŭ v.a. načalnika strałkova-harmatnaha vytvorčaści kaŭroŭskaha zavoda imia Dziehciarova Siarhiej Pustavałaŭ.
Ručny hładkastvolny 50-milimietrovy hranatamiot, raspracavany ŭ kancy 1980-ch hadoŭ dla śpiecpadraździaleńniaŭ KDB, MUS SSSR i ŭnutranych vojskaŭ, adnosicca da zbroi nieśmiarotnaha dziejańnia.
Jon stralaje hranatami sa ślezaciočnym hazam, dymavymi i aślaplalna-ahłušalnymi hranatami, a taksama humovymi kulami i humovaj karciečču. Isnujuć taksama śpiecyjalnyja zarady dla vybivańnia zamkoŭ i raźbivańnia šybaŭ.
Jak havorycca na sajcie zavoda-vytvorcy, «śpiecyjalny hranatamiotny kompleks RHS-50m pryznačany dla akazańnia psichałahičnaha ŭździejańnia i časovaha vyvadu sa stroju ŭzbrojenych złačyncaŭ pry zachopie imi transpartnych srodkaŭ (samalot, aŭtobus i h.d.). Užyvajecca dla ekstrannaha ŭskryćcia dźviarej pry šturmie zachoplenych terarystami budynkaŭ».
«Niedarahi ŭ vyrabie, zručny ŭ ekspłuatacyi», — skazaŭ ab raspracoŭcy pradstaŭnik zavoda.
U Łahojsku piekar admaŭlajecca pradavać svoj chleb pakupnikam, u jakich jość sabaki84
Kamientary