Śpiecyjalisty rajać karmić kačak u chałady aŭsiankaj i harodninaj, a nie chlebam
Padkormlivać lebiedziaŭ i kačak u chałady možna aŭsianaj kašaj i harodninaj, paviedamili ŭ Minskim haradskim kamitecie pryrodnych resursaŭ i achovy navakolnaha asiarodździa.
Śpiecyjalisty rekamiendujuć davać korm vadapłaŭnym ptuškam pry tempieratury pavietra nižej za 15 hradusaŭ. Pry hetym jany padkreślivajuć, što dla pačastunku ptušak zusim nie padychodziać chleb i baton. Adkaz prosty: stravavalnaja sistema lebiedziaŭ i kačak da takoj ježy nie prystasavanaja.
U naturalnych umovach lebiedzi siłkujucca raślinami, drobnymi račkami i roznymi ličynkami. Kački łasujucca nasieńniem raślin, maluskami, aktyŭnym hlejem. Usio heta jany mohuć samastojna adšukać i zimoj. Dapamoha čałavieka im patrebnaja tolki ŭ ekstremalnych situacyjach, kali vadajomy zamiarzajuć, i ŭ ptušak zastajecca dla płavańnia zusim malusieńkaja pałonka. Karmić ich u takich vypadkach rekamiendujecca syroj abo varanaj harodninaj, aŭsianaj kašaj, aŭsom, jačmieniem, pšanicaj.
A voś chlebnymi kroškami ŭ chałady možna pačastavać suchaputnych ptušak. Usie hetyja ptuški z zadavalnieńniem naviedvajuć karmuški, ale ŭ adroźnieńnie ad vadapłaŭnych nie traplajuć u poŭnuju zaležnaść ad prykormki. Jany z zadavalnieńniem pakaštujuć siemak, arechaŭ, kašy, a taksama niesalonaha sała.
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary