Kanadski śviatar, prysudžany ŭ Paŭnočnaj Karei da pažyćciovaha źniavoleńnia ŭ pracoŭnym łahiery, apisaŭ pieršyja tydni svajho źniavoleńnia. Pastar Lim Chion Su sustreŭsia z karespandentam telekanała Si-en-en u Pchieńjanskim hateli.
«Ja nikoli nie byŭ rabočym, tamu mnie było składana pryvyknuć da ručnoj pracy, ale ciapier ja pryvyk», — skazaŭ śviatar. Jak raspavioŭ Lim Chion Su, u svaim paŭnočnakarejskim łahiery jon tak i nie ŭbačyŭ inšych źniavolenych. Mahčyma, jon adziny źniavoleny. Jaho asnoŭnaja zadača — vykopvać jamy pad drevy ŭ sadzie pry łahiery. Pracoŭny dzień doŭžycca vosiem hadzin, šeść dzion u tydni — rabočyja.
Na intervju Lim Chion pryjšoŭ u turemnaj rodzie z numaram «036» na hrudziach. Havoračy pra złačynstvy, u jakich jon abvinavačvajecca ŭ KNDR (siarod ich značycca sproba źviaržeńnia uładaŭ krainy), jon pryznaje, što «pajšoŭ suprać uładaŭ hetaj krainy, suprać jaje sistemy i paradku». Na pytańnie ab tym, ci źjaŭlajecca samym surjoznym jaho złačynstvam publičnaja krytyka paŭnočnakarejskaha režymu, Lim Chion Su adkazaŭ śćviardžalna.
Kanadski pastar karejskaha pachodžańnia Lim Chion Su byŭ prysudžany ŭ Pchieńjanie da pažyćciovaha źniavoleńnia ŭ siaredzinie śniežnia minułaha hoda. Śviatara, jaki ŭznačalvaŭ karejskuju preśviteranskuju carkvu ŭ Taronta, abvinavacili ŭ złačynstvach suprać dziaržavy.
Na dumku abvinavačańnia, Lim Chion Su «sadziejničaŭ varožaj palitycy Złučanych Štataŭ i kansiervatyŭnaha paŭdniovakarejskaha režymu, jakija imknucca izalavać i zadušyć KNDR». Abvinavačvańnie patrabavała vyniasieńnia śmiarotnaha prysudu.
Ciapier čytajuć
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza25
Kamientary