Zahadčyk kafiedry inavacyjnaha mieniedžmientu BDU Bajnioŭ: Rynačnyja reformy nidzie nie atrymalisia, jany pryvodziać da kryvi, vajny, inflacyi
Učora ŭ pieradačy «Sprava pryncypu» na telekanale ANT abmiarkoŭvali biahučuju ekanamičnuju situacyju ŭ krainie. Siarod haściej pieradačy byŭ zahadčyk kafiedry inavacyjnaha mieniedžmientu BDU Valeryj Bajnioŭ.
Dyskusija pajšła ŭ ruśle, chto siońnia maje racyju: tak zvanyja «dziaržaŭniki» ci «libierały»? Jaki šlach raźvićcia abrać Biełarusi: rynkavy ci z ručnym kiravańniem ekanomiki?
«Libierały ciapier, kaniečnie, mimikrujuć, jany ŭ adkrytuju va ŭmovach Biełarusi nie iduć suprać dziaržrehulavańnia, ale kaniečnaja ich meta adnaznačnaja – vyhnać dziaržavu z ekanomiki, dazvolić usio rašać biznesu. Naturalna, što va ŭmovach kryzisu kazać, kab kinuć styrno kiravańnia ekanomiki, heta absurdna. Heta jak na hornaj darozie kinuć ryčahi kiravańnia va aŭtamabila», — skazaŭ Bajnioŭ.
Na heta imhnienna adreahavaŭ Andrej Karpunin, staršynia Respublikanskaha kłuba finansavych dyrektaraŭ: «Hetkimi mietadami, jak kirujecie ciapier, bolš padobna na «Tytanik».
«U nas sacyjalnaja dziaržava dla naroda. Rynačniki chočuć addać usio pryvatniku, kab u nas byli aliharchi. Rynačnyja reformy buduć antykanstytucyjnymi, bo słova «rynak» i vytvornyja ad jaho navat nie sustrakajucca ŭ Kanstytucyi», — nie spyniaŭsia Bajnioŭ.
I na heta Karpunin znajšoŭ, što adkazać: «Vaša sacyjalnaja dziaržava dajšła da ručki. Sacyjalnaja dapamoha pa biespracoŭi składaje 5 dalaraŭ. Možna na ich pražyć?»
Pierapałka praciahvałasia ŭsiu pieradaču:
«Ciažkaści ŭ nas uźnikajuć tamu, što dziaržava pad vašym naporam skatvajecca da rynačnych reformaŭ. Rynačnyja reformy nidzie nie atrymalisia. Paŭsiul, dzie pravodzilisia rynačnyja reformy, my bačym kroŭ, vajnu, inflacyju, hramadzianskija vojny, revalucyi, terakty». Nas pichajuć u rynačny kapitalizm časoŭ Adama Śmita, jaki, prabačcie, pamior 200 hadoŭ tamu. Marks budzie bolš novym. Kapitalizm – jak dzicia, naradziŭsia, dziacinstva, junactva, stałaść.
Na Zachadzie stały kapitalizm, a nas pichajuć u rynačny kapitalizm Kosta-Ryki. Chtości valonki ramantuje, chtości nažy točyć. Siaredniaviečča!» — adznačyŭ prafiesar BDU.
Što tyčycca hałasavańnia hledačoŭ, to 62% adkazali, što padtrymlivajuć pohlady «libierałaŭ» na ekanomiku, a nie «dziaržaŭnikaŭ».
-
Babaryka: Da svajho vyzvaleńnia ja ŭvohule nie bačyŭ Ivana Kraŭcova. Nie viedaju, što jon rabiŭ
-
Vyzvaliŭsia adzin z pačynalnikaŭ biełaruskamoŭnaha ŽŽ Ivan Marozaŭ — heta byŭ jaho druhi palityčny termin
-
Rekordnymi tempami idzie zbor na ŭkoł dla Ksiušy z mahiloŭskaha dzietdoma, ad jakoj admoviłasia mama — jašče plus $190 tysiač za dzień
Ciapier čytajuć
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?34
Babaryka: Nie mohuć zdymacca sankcyi z pradpryjemstvaŭ i ludziej, zadziejničanych u vajnie. Vypuścicie palitviaźniaŭ canoj zabojstva ŭkraincaŭ?
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić88
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić8
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci55
Kamientary