Dyrektyva prezidenta Biełarusi ad 14 červienia 2007 №3 «Ekanomija i bieražlivaść — hałoŭnyja faktary ekanamičnaj biaśpieki dziaržavy» pryniata ŭ novaj redakcyi. Adpaviedny ŭkaz №26 kiraŭnik dziaržavy padpisaŭ 26 studzienia.
Pry hetym źmianiajecca nazva Dyrektyvy: «Ab pryjarytetnych kirunkach umacavańnia ekanamičnaj biaśpieki dziaržavy».
Dla ŭmacavańnia ekanamičnaj biaśpieki dziaržavy ŭ Dyrektyvie praduhledžvajucca miery pa pavyšeńni roli i ŭkładu navukovaj supolnaści ŭ vyrašeńnie dziaržaŭna značnych zadač, rostu ekspartnaha patencyjału dla zabieśpiačeńnia źniešniaj zbałansavanaści ekanomiki i dyviersifikacyi ekspartu, kardynalnaha źmianieńnia jakaści kiravańnia pramysłovym kompleksam, harantavańni enierhietyčnaj biaśpieki i niezaležnaści krainy.
Savietu ministraŭ daručana ŭ trochmiesiačny termin zaćvierdzić płan mierapryjemstvaŭ pa realizacyi pałažeńniaŭ Dyrektyvy.
Piersanalnaja adkaznaść za vykanańnie dakumienta ŭskładajecca na premjer-ministra, kiraŭnikoŭ respublikanskich orhanaŭ dziaržkiravańnia i inšych dziaržaŭnych arhanizacyj, padparadkavanych uradu, abłvykankamaŭ i Minskaha harvykankama.
Kamientary