Kiraŭnik BDIPČ ABSIE zaklikaŭ Biełaruś uvieści maratoryj na śmiarotnaje pakarańnie
Dyrektar BDIPČ ABSIE Michael Hieorh Link zaklikaŭ Biełaruś uvieści maratoryj na śmiarotnaje pakarańnie. Pra heta havorycca ŭ jaho zajavie, jakuju raspaŭsiudziła pres-słužba BDIPČ 18 lutaha ŭ suviazi z vyniasieńniem u Biełarusi z pačatku hoda ŭžo druhoha śmiarotnaha prysudu.
Link padkreśliŭ, što členy ABSIE ŭziali na siabie abaviazacielstva «trymać pytańnie ab śmiarotnaj kary pad pastajannaj uvahaj». «Bolšaść krain u našym rehijonie ŭžo pryznali niehumannaść hetaha vidu pakarańnia, jakoje nie słužyć zastrašvańniem, ale źjaŭlajecca nieprymalnym źnievažańniem čałaviečaj hodnaści», — havorycca ŭ zajavie.
Link adznačyŭ, što śmiarotnyja prysudy vyniesienyja na fonie dyskusii, što idzie ŭ Biełarusi pa hetym pytańni, i pracy parłamienckaj hrupy pa pytańni admieny śmiarotnaha pakarańnia.
Raniej, nahadajem, vyniesieny ŭ Biełarusi čarhovy śmiarotny prysud asudziŭ Jeŭrapiejski sajuz i Saviet Jeŭropy.
Kamientary