Płošča zapaviednaj zony Biełaviežskaj puščy pavialičanaja na 1,2 tys. ha da 58,3 tys. ha, u tym liku za košt uklučeńnia ŭčastkaŭ lesabałotnaha kompleksu «Dzikaje». Heta praduhledžana ŭkazam numar 99 «Ab pieraŭtvareńni Nacyjanalnaha parku «Biełaviežskaja pušča», jaki Alaksandr Łukašenka padpisaŭ 16 sakavika, paviedamili ŭ pres-słužbie kiraŭnika dziaržavy.
Normy dakumienta naceleny na aptymizacyju miežaŭ i režymu achovy funkcyjanalnych zon nacyjanalnaha parku.
Źmianieńni režymaŭ achovy i vykarystańnia terytoryi Biełaviežskaj puščy zaklučajucca ŭ pierahladzie i pavieličeńni kolkaści ŭčastkaŭ z dadatkovymi abmiežavańniami na haspadarčuju dziejnaść za miežami zapaviednaj zony. Tak, u miescach hniezdavańnia achoŭnych vidaŭ drapiežnych ptušak pavialičvajecca da 6 miesiacaŭ u hodzie pieryjad zabarony viadzieńnia haspadarčaj dziejnaści.
Ukazam dazvolena pravodzić na terytoryi zapaviednaj zony mierapryjemstvy, nakiravanyja na baraćbu z čužarodnymi vidami raślin i žyvioł, a taksama na adnaŭleńnie parušanaha hidrałahičnaha režymu. Takija mierapryjemstvy pavinny być uzhodnieny ź Ministerstvam pryrodnych resursaŭ i achovy navakolnaha asiarodździa i Nacyjanalnaj akademijaj navuk.
Źmianieńni ŭnosiacca i ŭ skład rekreacyjnaj zony nacyjanalnaha parku, što ŭ pierśpiektyvie dazvolić pašyryć jaho turystyčnyja mahčymaści.
Realizacyja norm ukaza numar 99 daść mahčymaść pavysić efiektyŭnaść pryrodaachoŭnych i lesaadnaŭlenčych mierapryjemstvaŭ, aptymizavać raschody na viadzieńnie haspadarčaj dziejnaści, a taksama zabiaśpiečyć dadatkovyja miery kantrolu za vykanańniem pryrodaachoŭnaha zakanadaŭstva.
Kamientary