U hetym hodzie ŭ Biełaruś vierniecca abnoŭlenaja Nacyjanalnaja teatralnaja premija, paviedamiła na pres-kanfierencyi 24 sakavika ŭ Minsku pieršy namieśnik ministra kultury Iryna Dryha.
Pavodle jaje słoŭ, sioleta premija projdzie ŭ abnoŭlenym farmacie. Pa rašeńni teatralnych dziejačaŭ, jana budzie pravodzicca adzin raz u dva hady.
«Heta robicca dla taho, kab teatry mahli padrychtavać i pradstavić na konkurs bolš premjer, — skazała Dryha. — Za adzin hod jany nie paśpiavali pakazać usio, što chacieli».
Pavodle słoŭ pieršaha namieśnika ministra, dapracavana pałažeńnie ab premii z ulikam usich prapanoŭ i ŭ najbližejšyja dni jano pavinna być apublikavana.
Płanujecca, adznačyła Dryha, što konkurs budzie pravodzicca z 1 krasavika, a jaho vyniki padviaduć da kanca hoda. Zajaŭki pretendenty zmohuć padać z 1 krasavika da 1 maja. Z 1 maja pa 1 červienia budzie pracavać adboračnaja kamisija. Paśla čaho budzie abnarodavany šort-list naminantaŭ na premiju, zatym u ramkach Nacyjanalnaha teatralnaha tydnia, jaki zapłanavany na listapad-śniežań, adbuducca prahlady hetych śpiektaklaŭ. Pieramožcaŭ nazavie prafiesijnaje žury.
Sioleta, paviedamiła Dryha, premija budzie ŭručacca pa čatyroch naminacyjach: dramatyčny teatr, muzyčny teatr, lalečny teatr i teatr dla dziaciej i junactva. Vyznačać pieramožcaŭ z hetaha hoda buduć nie try, a čatyry składy žury.
Sioleta vyrašyli admovicca ad naminacyi «Lepšaja režysiorskaja rabota», pakolki, adznačyła pieršy namieśnik ministra, pieramoha ŭ naminacyi «Lepšy śpiektakl» užo vyznačaje i lepšaha režysiora.
«Uzamien uvodziacca naminacyi «Lepšaja žanočaja rola» i «Lepšaja mužčynskaja rola», — skazała jana. — Akciory vielmi skardzilisia, što mužčynskija i žanočyja vobrazy vielmi roznyja i niemahčyma vybrać adnu «Lepšuju rolu», tamu było vyrašana ŭvieści takuju navacyju».
Taksama buduć vyznačany pieramožcy hanarovych naminacyj za miecenackuju dziejnaść i ŭkład u teatralnaje mastactva.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju5
Na froncie zahinuŭ syn eks-kandydata ŭ prezidenty Dźmitryja Usa. Ivan vajavaŭ za Rasiju
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka1919
Kamientary