Bolšaść biełarusaŭ zhodnyja na pavyšeńnie piensijnaha ŭzrostu. Pra heta zajaviŭ Alaksandr Łukašenka 25 sakavika na naradzie, pryśviečanaj piensijnaj reformie, paviedamlaje pres-słužba kiraŭnika Biełarusi.
Alaksandr Łukašenka adznačyŭ, što vielmi ŭvažliva sočyć za pazicyjaj hramadstva, naziraje za abmierkavańniami, razvahami ludziej.
«My vielmi akuratna vymiarajem nastroj hramadstva. Pavinien skazać, što siońnia ŭžo ćviordaja bolšaść našaha nasielnictva zhodnaja pa pavyšeńni piensijnaha ŭzrostu. Ja nie kažu pra toje, padabajecca kamuści ci nie padabajecca. Navat tyja, kamu heta nie padabajecca, narešcie, zrazumieli, što rana ci pozna my hetuju prablemu pavinny vyrašać. I čas vyrašeńnia prablemy pryjšoŭ», — adznačyŭ Łukašenka.
Jon padziakavaŭ ciapierašnim piensijanieram, jakija raniej byli suprać pavyšeńnia piensijnaha ŭzrostu, a ciapier pahadzilisia. Jon taksama horača padziakavaŭ moładzi.
«Moładź naša — nu prosta małajcy! Razumiejučy, što heta zakranie ich pierš za ŭsio i tych, chto pracuje, tym nie mienš, spakojna ŭspryniali hetyja prapanovy. Ja nie kažu, što heta padabajecca. Ale byvaje, nie padabajecca, ale nikudy nie padzieniešsia, da hetaha treba iści», — skazaŭ kiraŭnik Biełarusi.
Jon upeŭnieny, što ludzi razumiejuć, što ludzi, jakija pracujuć, užo siońnia adčuvajuć prablemy z utrymańniem piensijanieraŭ.
Nahadajem, na naradzie 25 sakavika było ahučana, što samym prymalnym varyjantam pavyšeńnia piensijnaha ŭzrostu było nazvana pastupovaje pavyšeńnie, z krokam pa paŭhoda pačynajučy z 1 studzienia 2017 hoda, piensijnaha ŭzrostu, žančynam — da 58, mužčynam — da 63 hadoŭ. Pavyšeńnie piensijnaha ŭzrostu taksama zakranie i vajennych, i dziaržsłužačych.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary