Viarchoŭnaja Rada Ukrainy pryniała Zakon ab uniasieńni źmianieńniaŭ u Zakon Ukrainy «Ab kiniematahrafii» (adnosna filmaŭ dziaržavy-ahresara) (№3359).
Za hetaje rašeńnie prahałasavali 237 narodnych deputataŭ z 351 zarehistravanaha ŭ siesijnaj zale.
Zakonam u častcy druhoj artykuła 15-1 zakona vyznačajecca, što praduhledžanaja častkaj pieršaj dadzienaha artykuła zabarona na raspaŭsiud i demanstracyju filmaŭ, jakija źmiaščajuć papularyzacyju abo prapahandu orhanaŭ dziaržavy-ahresara i ich asobnych dziejańniaŭ, tyčycca raspaŭsiudžvańnia i demanstracyi lubych filmaŭ niezaležna ad krainy pachodžańnia, vytvorčaści paśla 1 žniŭnia 1991 hoda.
Zabarona tranślacyi filmaŭ, vyrablenych fizičnymi i jurydyčnymi asobami dziaržavy-ahresara, jakija nie ŭtrymlivajuć papularyzacyi abo prapahandy, raspaŭsiudžvajecca na filmy, zroblenyja i (abo) upieršyniu apublikavanyja (prademanstravanyja) paśla 1 studzienia 2014 hoda.
Razam z tym, u častcy pieršaj havorycca pra toje, što va Ukrainie zabaraniajecca raspaŭsiudžvańnie i demanstracyja filmaŭ, jakija źmiaščajuć papularyzacyju abo prapahandu orhanaŭ dziaržavy-ahresara i ich asobnych dziejańniaŭ, stvarajuć stanoŭčy vobraz rabotnikaŭ dziaržavy-ahresara, rabotnikaŭ savieckich orhanaŭ dziaržaŭnaj biaśpieki, apraŭdvajuć ci pryznajuć pravamiernym akupacyju terytoryi Ukrainy, a taksama zabaraniajecca tranślacyja (demanstracyi šlacham pakazu kanałami viaščańnia) filmaŭ, vyrablenych fizičnymi i jurydyčnymi asobami dziaržavy-ahresara.
Hety zakon nabyvaje moc z dnia, nastupnaha za dniom jaho aficyjnaha apublikavańnia.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary