Buchhałtarka minskaj firmy skrała bolš za 1,7 młrd rubloŭ
Pravierkaj upraŭleńnia pa baraćbie z ekanamičnymi złačynstvami UUS Minabłvykankama vyjaŭlenyja fakty nieadnarazovaha zavałodańnia hrašovymi srodkami firmy hałoŭnym buchhałtaram mienskaha pradpryjemstva pryvatnaj formy ŭłasnaści.
Jak paviedamiŭ prakuror adździeła pa nahladzie za daznańniem prakuratury Minskaj vobłaści Kirył Bubnoŭ, na praciahu dvuch hadoŭ 33-hadovaja žančyna, majučy prava elektronnaha podpisu płaciežnych daručeńniaŭ pradpryjemstva, pieraličvała hrošy z rachunku arhanizacyi na svaje asabistyja kart-rachunki za fiktyŭna akazanyja pasłuhi.
Fakty kradziažoŭ buchhałtaram hrašovych srodkaŭ byli vyjaŭleny dyrektaram, adnak, z pryčyny abiacańniaŭ viarnuć vykradzienyja hrošy, z supracoŭnicaj nie byli skasavanyja pracoŭnyja adnosiny. U dalejšym dyrektar asabista kantralavaŭ usie płaciežnyja apieracyi firmy, adnak hałoŭny buchhałtar praciahvała svaje złačynnyja dziejańni. Nachabna padmanvajučy kiraŭnika, jana drukavała ŭ płaciežnych daručeńniach usie rekvizity dla pieraličeńnia hrašovych srodkaŭ u biudžet u vyhladzie padatkaŭ, adnak numar bankaŭskaha rachunku naŭmysna pakazvała kamiercyjnaj firmy, dzie sama taksama pracavała buchhałtaram, kudy i nakiroŭvalisia hrašovyja srodki, jakimi paśla žančyna rasparadziłasia pa ŭłasnym mierkavańni.
Usiaho, vykarystoŭvajučy svajo słužbovaje stanovišča ŭpotaj ad kiraŭnictva, jana vykrała bolš za 1,7 młrd rubloŭ.
Sa słoŭ słužbovaj asoby, na ździajśnieńnie hetaha złačynstva jaje padšturchnuła ciažkaje materyjalnaje stanovišča, a taksama nierentabielnaść sałona pryhažości, jaki joj naležaŭ. Na jaho raźvićcio i była vydatkavanaja asnoŭnaja suma vykradzienych hrašovych srodkaŭ.
Pa dadzienym fakcie prakuratura Minskaj vobłaści raspačała kryminalnuju spravu pa prykmietach składu złačynstva, praduhledžanaha č. 4 art. 210 KK (kradziež majomaści ŭ asabliva bujnym pamiery šlacham złoŭžyvańnia słužbovymi paŭnamoctvami). Sankcyja nazvanaha artykuła praduhledžvaje pakarańnie ŭ vyhladzie pazbaŭleńnia voli na termin ad piaci da dvanaccaci hadoŭ z kanfiskacyjaj majomaści i z pazbaŭleńniem prava zajmać peŭnyja pasady abo zajmacca peŭnaj dziejnaściu.
Kamientary