Hieroj Biełarusi narodzić dzicia ad hieroja Narviehii
Trochrazovaja alimpiĭskaja čempijënka, Hieroĭ Biełarusi Darja Domračava čakaje dzicia. Baćkam stanie narviežski bijatłanist, vaśmirazovy alimpiĭski čempijën Ole Eĭnar Bjërndalen.
Pra ciažarnaść Domračavaj jën zajaviŭ na admysłova sklikanaĭ pres-kanfierencyi.
«U mianie blizkija adnosiny z Darjaĭ, jakija praciahvajuć raźvivacca. My para i ŭ kastryčniku čakajem naradžeńnia dziciaci», — zajaviŭ Bjërndalen.
Narviežskamu bijatłanistu ŭžo 42 hady, ale jën nastrojeny praciahvać karjeru. «U mianie jëść vielizarnaja matyvacyja. Takaja ž vialikaja, jak tady, kali mnie było 20 hadoŭ», — skazaŭ Bjërndalen.
Domračavaĭ 29 hadoŭ, minuły bijatłonny siezon jana prapuskała praz monanukleoz. Naĭchutčeĭ, praź ciažarnaść nie vystupić i ŭ nastupnym. Choć biełaruska spadziajecca adnavić treniroŭki ŭžo praz try miesiacy paśla naradžeńnia dziciaci, u studzieni 2017 hoda.
Siamieĭnyja historyi
Ole Eĭnar vyras u pryharadzie Osła. Jahony baćka Chans Bjërndalen zachaplaŭsia bieham, tamu troje synoŭ ź dziacinstva zaĭmalisia sportam i ŭrešcie znaĭšli siabie ŭ bijatłonie. Stareĭšy, Dah, navat zavajavaŭ srebrany miedal u estafiecie na Alimpijadzie-1998. Małodšy, Chans Anton, praŭda, vialikich dasiahnieńniaŭ nie mieŭ. Baćka Bjërndalena pamiër niekalki hadoŭ tamu, pieražyŭšy žonku, na vośmym dziasiatku.
Pra žyćciëvuju historyju siamji Domračavaĭ biełarusy viedajuć našmat lepš. Nahadajem, Darja naradziłasia ŭ Minsku ŭ siamji architektaraŭ. Na pačatku 1990-ch jaje baćki pierajechali ŭ rasiĭski horad Niahań.
Spačatku tam znaĭšoŭ pracu baćka, Uładzimir Domračaŭ. A paśla, kali ŭ horadzie vyzvaliłasia pasada hałoŭnaha architektara, jën prapanavaŭ kandydaturu svajëĭ žonki Łarysy (jaje dziavočaje proźvišča — Minina). Razam ź jëĭ u rasiĭskija chałady pierabralisia dzieci — Mikita i Darja.
Domračavy žyli ŭ Sibiry da siaredziny 2000-ch, a paśla maci ź dziećmi viarnułasia ŭ Biełaruś. Baćka zastaŭsia ŭ Niahani i nieŭzabavie pamiër.
Łarysa Minina pabrałasia druhim šlubam ź viadomym architektaram Barysam Školnikavym. Heta jën buduje chaĭ-tekavyja słupki pa ŭsim Minsku — naprykład, vysačeznuju «Rojał Płazu» na praśpiekcie Pieramožcaŭ.
Mikita, brat bijatłanistki, pracuje architektaram u studyi aĭčyma.
Pieršy šlub Bjërndalena
Bjërndalen i Domračava asabista paznajëmilisia padčas Alimpijady-2010 u Vankuviery. «Ole Eĭnar tady padyšoŭ pavinšavać mianie z bronzaĭ. Heta adrazu paśla taho, jak sam zaniaŭ druhoje miesca ŭ indyvidualnaĭ honcy. Ja była litaralna šakavanaja. Sam Bjërndalen, vau!» — uzhadvała Darja.
Čutki pra raman bijatłanistaŭ upieršyniu źjavilisia ŭletku 2012 hoda. U toĭ čas Bjërndalen jašče byŭ u šlubie. Jahonaĭ pieršaĭ abrańnicaĭ taksama była bijatłanistka. Natali Santer mieła italjanskaje i bielhiĭskaje hramadzianstva. Za karjeru jana pieramahła ŭ troch honkach na etapach Kubka śvietu.
Z narviežcam jana sustrakałasia z 1998 hoda, ale adnosiny byli aficyĭna zarehistravanyja tolki praz vosiem hadoŭ. Santer i Bjërndalen vyhladali daskanałaĭ paraĭ, razam bavili čas padčas ekstremalnaha adpačynku. Dziacieĭ u šlubie nie było, i razvod praĭšoŭ biez skandałaŭ. «My pavinny pryznać, što naša žadańnie pravieści doŭhaje sumiesnaje žyćcië nie ažyćciaviłasia. Napieradzie nas čakaje asobnaje žyćcië», — prahučała ŭ zajavie narviežca i italjanki ŭ kancy 2012 hoda.
Biełaruska-narviežskaja budučynia
Doŭhi čas Domračavu i Bjërndalena navat nie mahli sfatahrafavać razam! Tolki paśla Alimpijady-2014 u Sočy jany pierastali chavacca ad žurnalistaŭ — razam treniravalisia, razam chadzili hladzieć futboł. Narviežac pryjazdžaŭ u hości ŭ Minsk.
Dzie čempijënskaja para budzie žyć, pakul nieviadoma. Domračava dabudoŭvaje futurystyčny majëntak na bierazie Zasłaŭskaha vadaschovišča, a taksama maje prastornyja apartamienty ŭ domie «La Trajeckaha», padoranyja Juryjem Čyžom. A voś Bjërndalen stała žyvie ŭ aŭstryĭskim miastečku Abiercilijach.
Ciapier čytajuć
Bližejšym časam buduć vyzvaleny bolš za 150 palitźniavolenych29
Kamientary