Klimkin: Refierendum nie paŭpłyvaje na praktyčnaje prymianieńnie asacyjacyi
Vyniki refierendumu ŭ Niderłandach nie paŭpłyvajuć na praktyčnaje prymianieńnie Pahadnieńnia ab asacyjacyi Ukrainy ź ES.
Pra heta zajaviŭ kiraŭnik MZS Ukrainy Pavieł Klimkin u čaćvier u Tokio, pieradaje «Interfaks-Ukraina».
«Z punktu hledžańnia praktyčnaj implemientacyi ciapier ničoha nie mianiajecca, pahadnieńnie prymianiajecca, jak i raniej, pakul na časovaj asnovie. Tak što nichto nie pieražyvaje nijak. I zona svabodnaha handlu, i siektaralnaje supracoŭnictva spakojna prasoŭvajucca dalej», — zajaviŭ ministr, kamientujučy papiarednija vyniki refierendumu ŭ Niderłandach.
Jon dadaŭ, što Ukraina supracoŭničaje z Bruselem u miežach isnujučych orhanaŭ hetaha pahadnieńnia i refierendum na hety praces nie ŭpłyvaje.
«Takim čynam, nie treba vieścisia na peŭnyja śpiekulacyi, što heta moža niejkim čynam paŭpłyvać na praktyčnuju implemientacyju pahadnieńnia», — rastłumačyŭ ministr.
Kiraŭnik MZS dadaŭ, što ciapier ułady Niderłandaŭ i palityki buduć raicca, jak dalej dziejničać.
«Viadoma, z punktu hledžańnia razumieńnia vynikaŭ — heta staŭleńnie hałandcaŭ da Jeŭropy, žadańnie jeŭraskieptykaŭ paškodzić jaje adzinstvu i heta vielmi mocna adčuvałasia — mabilizacyja mienavita hetaha łahiera», — skazaŭ Klimkin.
Razam z tym, pavodle jaho słoŭ, ukrainski bok «usio roŭna spadziavaŭsia na trochi lepšy vynik».
«My zaŭsiody vierym u pieramohu i pavinny za jaje zmahacca. Tamu zaraz jeŭraintehracyju Ukrainy nie spynić, my budziem ruchacca hetym šlacham», — reziumavaŭ jon.
Nahadajem, pavodle papiarednich vynikaŭ, suprać Pahadnieńnia ab asacyjacyi prahałasavali 61% hałandcaŭ. Refierendum vyklikaŭ mabilizacyju ŭsich jeŭraskieptykaŭ Niderłandaŭ, jakija vystupajuć suprać dalejšaha pašyreńnia sajuza.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary