
Adrazu ž paśla zaviaršeńnia cyrymonii ŭručeńnia ŭznaharod premii MTV Movie Awards kinaamataraŭ pa ŭsim śviecie čakaŭ vialiki siurpryz — u internecie byŭ apublikavany trejler filma «Fantastyčnyja istoty i dzie jany pražyvajuć», jaki źjaŭlajecca śpin-ofam (pabočny siužet) stužak pra Hary Potera.
Siužet filma raspaviadaje pra pryhody litaratara Njuta Skamandera. Mužčyna akazvajecca ŭ sakretnym ńju-jorkskim tavarystvie pradstaŭnikoŭ čaroŭnaha śvietu za 70 hadoŭ da taho momantu, kali Hary Poter pračytaje jaho pracy.
Hałoŭnuju rolu ŭ stužcy vykanaŭ Edzi Riedmejn, jaki ŭ 2015 hodzie staŭ łaŭreatam premii «Oskar» za ŭdzieł u filmie «Suśviet Styviena Chokinha». Na momant napisańnia natatki trejler na aficyjnym kanale Warner Bros. Pictures na partale YouTube prahladzieli amal 180 tysiač razoŭ. Vychad filma ŭ kinaprakat čakajecca ŭ listapadzie.
Kamientary