Адразу ж пасля завяршэння цырымоніі ўручэння ўзнагарод прэміі MTV Movie Awards кінааматараў па ўсім свеце чакаў вялікі сюрпрыз — у інтэрнэце быў апублікаваны трэйлер фільма «Фантастычныя істоты і дзе яны пражываюць», які з'яўляецца спін-офам (пабочны сюжэт) стужак пра Гары Потэра.
Сюжэт фільма распавядае пра прыгоды літаратара Н'юта Скамандэра. Мужчына аказваецца ў сакрэтным нью-ёркскім таварыстве прадстаўнікоў чароўнага свету за 70 гадоў да таго моманту, калі Гары Потэр прачытае яго працы.
Галоўную ролю ў стужцы выканаў Эдзі Редмэйн, які ў 2015 годзе стаў лаўрэатам прэміі «Оскар» за ўдзел у фільме «Сусвет Стывена Хокінга». На момант напісання нататкі трэйлер на афіцыйным канале Warner Bros. Pictures на партале YouTube праглядзелі амаль 180 тысяч разоў. Выхад фільма ў кінапракат чакаецца ў лістападзе.
Каментары