ŚMI: «Panamskaje daśje» vyjaviła suviaź Klintan z Kramlom

«Panamskija dakumienty» zakranuli vybarčy štaba Chiłary Klintan i vyjavili jaho suviaź z Kramlom, pakazvaje brytanskaje vydańnie The Observer.

Pavialičyć

U jaho publikacyi skazana, u pryvatnaści, što, zhodna z apublikavanymi žurnalistami dadzienymi panamskaj kampanii Mossack Fonseca, rasijski Śbierbank z sakavika źviartajecca da pasłuh kampanii łabistaŭ Podesta Group u Vašynhtonie dla farmiravańnia stanoŭčaha imidžu i palahčeńnia sankcyjnaha ciažaru RF, piša The Observer. Uznačalvaje firmu Toni Padesta — adzin z asnoŭnych zborščykaŭ hrašovych srodkaŭ dla pieradvybarčaj kampanii Chiłary Klintan, abaznany siabra Partyi demakrataŭ ź vialikimi suviaziami. Brat Toni Padesta, Džon, źjaŭlajecca kiraŭnikom štaba Klintan.

Siarod daččynych kampanij Śbierbanka, jakija łabiruje Podesta Group, taksama ŭkazany inviestycyjnaja kampanija «Trojka Dyjałoh», zarehistravanaja na Kajmanavych vyspach, SBGB Cyprus Limited, zarehistravanaja na Kipry, i SB International, zarehistravanaja ŭ Luksiemburhu.

Jak vynikaje z rasśledavańnia ICIJ, Śbierbank i «Trojka Dyjałoh» vykarystoŭvajucca asobami, nabližanymi da prezidenta RF Pucina, dla pieravodu dziaržaŭnych fondaŭ u sumniŭnyja pryvatnyja inviestycyi. «Niekatoryja z hetych kampanij pieršapačatkova byli źviazany ź inviestycyjnym fondam «Trojka Dyjałoh», jaki kantralujecca i kirujecca Śbierbankam paśla taho, jak bank nabyŭ inviestycyjny bank «Trojka Dyjałoh», adznačajecca ŭ tekście ICIJ. «Trojka Dyjałoh» naležyć AAT «Śbierbank Rasiei» z 2012 hoda.

Klintan pryjdziecca dać tłumačeńni

Pry hetym Podesta Group robić vyhlad, što ŭ asobie Śbierbanka maje spravu sa zvyčajnym pryvatnym finansavym instytutam, a nie z bankam, kantralavanym Centralnym bankam Rasijskaj Fiederacyi, to bok rasiejskaj dziaržavaj. U advarotnym vypadku łabisty vymušanyja byli b zarehistravacca jak ahienty rasijskaha ŭrada, zhodna z Zakonam ZŠA «Ab rehistracyi zamiežnych ahientaŭ».

Takim čynam, piša The Observer, Džon i Toni Padesta na samaj spravie łabirujuć bank asabistaha karystańnia Pucina, jaki źjaŭlajecca finansavaj halinoj Kramla i padkantrolnych jamu raźviedsłužb. Pakolki braty Padesta pretendujuć na vysokija pasady ŭ Biełym domie ŭ vypadku pieramohi Klintan na prezidenckich vybarach, to im, jak i samoj kandydatcy ŭ prezidenty ZŠA, pryjdziecca publična rastłumačyć svaju suviaź sa Śbierbankam.

3 krasavika niamieckaja hazieta Süddeutsche Zeitung i Mižnarodny kansorcyum žurnalisckich rasśledavańniaŭ (ICIJ) apublikavali rasśledavańnie «Panamskija dakumienty», u jakim havorka idzie pra šmatlikija afšornyja kampanii, jakija vykarystoŭvajucca lidarami dziaržaŭ, palitykami, znakamitaściami, viadomymi spartoŭcami. Rasśledavańnie hruntujecca na 2,6 terabajta dadzienych, jakija ŭklučajuć 11,5 młn dakumientaŭ, vykradzienych ź siervieraŭ adnaho ź viadučych rehistrataraŭ afšora ŭ śviecie — Panamskaj jurydyčnaj firmy Mossack Fonseca.

• 0
• 0
• 0
• 0
• 0
• 0
• 0
• 0