Źnikłaha ŭ harach Kabardzina-Bałkaryi 26-hadovaha biełarusa znajšli miortvym
Pošukavyja raboty ŭ Elbruskim rajonie zavieršany. Ivana Sukača znajšli miortvym.
Źnikłaha ŭ Kabardzina-Bałkaryi biełaruskaha turysta Ivana Sukača znajšli miortvym, paviedamlaje hałoŭnaje ŭpraŭleńnie MNS Rasii pa Kabardzina-Bałkarskaj Respublicy.
Cieła chłopca znojdziena ŭ rajonie vadaspadu na vyšyni 2,8 tys. m. Jaho evakuiravali.
Chłopiec nie vychodziŭ na suviaź z 3 vieraśnia. Viadoma, što biełarus nie zarehistravaŭ svoj pachod. Jon płanavaŭ uzdym na haru Terskałak vyšynioj 3,8 tysiačy mietraŭ.
Ciapier čytajuć
Što viadoma pra biełarusa, jaki zahinuŭ la Elbrusa8
Što viadoma pra biełarusa, jaki zahinuŭ la Elbrusa
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich3030
Kamientary
Sens rehistracyi z savieckich časoŭ u tym, što prafiesijnyja ratavalniki viedajuć tvoj maršrut i čas, kali pavinien viarnucca i adznačycca pra zakančeńnie maršrutu. I kali ŭ čas nadyšoŭ i ciabie niama, pavinny pačać pošuki. Faktyčna heta daloka nie zaŭsiody pracavała.
Zaraz možna mieć spadarožnikavy telefon dla suviazi i strachoŭku, kab apłacić evakuacyju. Padrabiaznaściej padziej nie viedajem, tamu śpiekulavać niapravilna. Jak minimum, fraza "nie vychodziŭ na suviaź" dazvalaje zrabić vysnovy, što suviaź była, jon vykonvaŭ miery biaśpiecy. Ale ryzyki zaŭsiody jość, tym bolš u soła.
Tamu faktar "rehistracyi" nie abaviazkova vyrašalny ŭ hetych historyjach. Šmathadovaja śpiecyfika padačy takich navin MNS i ŚMI stvaryła žanr, u jakim praŭda moža być nie ŭsia, a akcenty zrušany. Padrabiaznaści źjaŭlajucca paźniej, hramadstvu jany ŭžo nie tak cikavyja, jak u čas padziej.
Spačuvańni blizkim.
Suviaź arendujecca. Mienavita z hetym adździełam była niepryhožaja historyja ŭ krytyčnych abstavinach, nie zapoj, ale blizka.
Z apošnich navin, "vychodziŭ na suviaź" - značyła: nie na maršrucie, a pierad im, "u cyvilizacyi". I "nie dumaŭ pra aklimatyzacyju". Značyć, u jaho była pieraacenka ŭłasnych sił. Ja niapravilna interpretavaŭ pa abryvačnaj infarmacyi. Sapraŭdy, mała sensu śpiekulavać u adsutnaść faktaŭ.