Biełaruskaja čyhunka sumiesna z supracoŭnikami padatkovaj inśpiekcyi i pravaachoŭnymi orhanami pravodzić rejdy pa vyjaŭleńni vypadkaŭ niezakonnaha roźničnaha handlu ŭ ciahnikach, paviedamiła pres-słužba BČ.
Tolki za dva krasavickich dnia supracoŭniki pasažyrskaj słužby BČ, inśpiekcyi MPZ pa Minskaj vobłaści i Minsku i orhanaŭ unutranych spraŭ na transparcie pravieryli 28 ciahnikoŭ rehijanalnych linij ekanamkłasa na ŭčastkach, prylehłych da Minskaha čyhunačnaha vuzła. U dačynieńni da zatrymanych pravaparušalnikaŭ składzienyja administracyjnyja pratakoły i vyniesienyja papiaredžańni.
Praca pa spynieńni vypadkaŭ handlu ŭ ciahnikach budzie pravodzicca na rehularnaj asnovie, adznačyła pres-słužba.
U paviedamleńni padkreślivajecca, što vykarystańnie ruchomaha sastavu BČ hramadzianami dla kamiercyjnaj dziejnaści supraćzakonnaje. «Akramia taho, nazojlivy «servis» u ciahnikach parušaje spakoj pasažyraŭ pry pajezdcy. Pra heta śviedčać šmatlikija zvaroty pasažyraŭ, jakija pastupajuć na biełaruskuju mahistral», — adznačyła pres-słužba.
Biełaruskaja čyhunka nahadvaje, što roźničny handal u ciahnikach rehijanalnych linij ekanamkłasa źjaŭlajecca niezakonnaj pradprymalnickaj dziejnaściu, za jakuju praduhledžanaja administracyjnaja adkaznaść u vyhladzie štrafu da 100 bazavych vieličyń z kanfiskacyjaj pradmietaŭ administracyjnaha pravaparušeńnia, a taksama dachodu, atrymanaha ad viadzieńnia hetaj dziejnaści.
«Muž syšoŭ ź Sipłym i Małym». Imavierna, pad Kramatorskam ukraincy adnym macham ubajdosili troch biełaruskich najomnikaŭ18
Kamientary