«Kab dynamična raźvivacca, nieabchodnyja narmalnyja adnosiny ź Jeŭrapiejskim Sajuzam i ZŠA. Apošnija hady adznačany paciapleńniem našych uzajemaadnosin. Admova ad sankcyjnaj palityki ŭ dačynieńni da Biełarusi adkryvaje novyja mahčymaści ŭ raźvićci ŭzajemadziejańnia. I było b hrešna hetym nie skarystacca, — zajaviŭ Alaksandr Łukašenka ŭ svaim dakładzie na «V Usiebiełaruskim narodnym schodzie». — Nam, pa vialikim rachunku, treba nahaniać upuščanaje i vyjści dla pačatku na toj uzrovień adnosin ź ES i ZŠA, jaki isnuje ŭ našych partnioraŭ pa JEAES i SND».
«U supracoŭnictvie z Zachadam nas cikaviać pierš za ŭsio inviestycyi, tranśfier technałohij, stvareńnie pieradavych sumiesnych vytvorčaściej, udzieł biełaruskich kampanij u mižnarodnych vytvorčych łancužkach i, viadoma, pastaŭki našaj pradukcyi. Biełaruskija pradpryjemstvy pavinny pieraniać usio toje lepšaje, što dazvolić im zaniać hodnaje miesca siarod viadučych suśvietnych kampanij, jakija śpiecyjalizujucca ŭ mašynabudavańni, enierhietycy, farmaceŭtycy, telekamunikacyjach i infarmacyjnych technałohijach», — skazaŭ kiraŭnik dziaržavy.
Jon adznačyŭ, što Jeŭrasajuz — druhi pa značnaści rynak dnia biełaruskaha ekspartu, a tamu kanstruktyŭnaje roznapłanavaje supracoŭnictva ź Jeŭrasajuzam adpaviadaje nacyjanalnym intaresam. «Klučavaja zadača na pierśpiektyvu — poŭnaja narmalizacyja adnosin i vychad na zaklučeńnie bazavaha pahadnieńnia pamiž Biełaruśsiu i Jeŭrapiejskim sajuzam», — dadaŭ Alaksandr Łukašenka.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary