U Biełarusi spynieny abmien 50-rublovych kupiur uzoru 2000 i 2010 hadoŭ. Da kanca pracoŭnaha dnia 30 červienia ich možna było abmianiać u adździaleńniach Nacbanka.
U Minsku heta možna było zrabić u Centralnym aparacie Nacbanka na vuł. Tałstoha da 16 hadzin. Abmien kupiur byŭ adnoj ź niamnohich apieracyj, jakija ažyćciaŭlaŭ Nacbank napiaredadni denaminacyi. U 15.48 karespandent BiełaPAN abmianiaŭ čatyry 50-rublovyja banknoty, jakija zastavalisia ŭ jaho, na sociennyja, jakija jašče zastajucca ŭ zvarocie. Pierad im małady čałaviek «zdavaŭ» nie mienš za piać pačkaŭ hetych kupiur, a na stale ŭ kasira pačkaŭ było kala dziasiatka.
Supracoŭnica banka nie zmahła skazać, nakolki aktyŭna nasielnictva abmieńvała kupiury ŭ apošni dazvoleny dzień, adznačyŭšy tolki, što dla hetaj apieracyi zastałosia 12 chvilin. Na vychadzie z budynka Nacbanka karespandent zaŭvažyŭ maładoha čałavieka, jaki z adkrytym kašalkom, poŭnym 50-rublovych kupiur, išoŭ nasustrač.
Praz 15 chvilin u adździaleńni «Ideja Banka» na Pryvakzalnaj płoščy karespandent BiełaPAN naziraŭ, jak pažyłaja žančyna sprabavała abmianiać niekalki 50-rublovych kupiur, ale joj było admoŭlena. «Ničoha, drobiaź», — machnuła jana rukoj i pajšła.
50-rublovaja kupiura była ŭviedziena ŭ abaračeńnie padčas denaminacyi 1 studzienia 2000 hoda (1:1.000). Na joj namalavanaja Bresckaja krepaść. U 2010 hodzie ŭ suviazi z reformaj biełaruskaj movy ŭ abaračeńnie pačatła ŭvodzicca kupiura z nadpisam «piaćdziasiat rubloŭ» zamiest «piaćdziesiat rubloŭ».
1 studzienia 2015 hoda vypusk kupiur u abaračeńnie byŭ spynieny. Da 1 lipienia 2015 hoda ich prymali pry ŭsich płaciažach. Z 1 lipienia pa 31 śniežnia 2015 hoda hetyja kupiury možna było abmianiać u Nacbanku i bankach, z 1 studzienia pa 30 červienia 2016 hoda — tolki ŭ Nacbanku.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary