Paśla trahikamičnaj sieryi pienalci Italija vylataje ź Jeŭra, Hiermanija rušyć u paŭfinał
Čverćfinał Jeŭra-2016 pamiž Hiermanijaj i Italijaj, jaki mnohija śpiecyjalisty nazyvali «daterminovym finałam», skončyŭsia futbolnaj łaterejaj. U daŭžeznaj sieryi paślamatčavych pienalci (bili pa 9 razoŭ!) Hiermanija akazałasia macniejšaj. Italija viartajecca dachaty.
Hety byŭ matč roŭnych kamand, jaki skončyŭsia z całkam łahičnym vynikam 1:1.
Adna ź niamnohich pamyłak italjancaŭ u abaronie pryviała da hoła Miesuta Aziła na 65-j chvilinie. Džanłuidžy Bufon nie zdoleŭ vyratavać kamandu paśla ŭdaru ź blizkaj dystancyi.
A praz 13 chvilin nadyšoŭ čas zasmucicca niemcam. Biassprečny pienalci za hulniu rukoj supiernika ŭ štrafnoj placoŭcy ŭziaŭsia prabić abaronca Leanarda Banučy. Bramnik Hiermanii Manuel Nojer uhadaŭ nakirunak udara, ale ŭsio ž nie dastaŭ da miača.
Sustreča pieraciakła ŭ dadatkovy čas, dzie abiedźvie zbornyja hulali aściarožna.
Futbolnych hurmanaŭ čakała sieryja pienalci, u jakoj adrazu pačaŭsia parad pamyłak. U Italii nie zabiŭ Simone Dzadza (jon vyjšaŭ na zamienu na 120-j chvilinie, śpiecyjalna pad sieryju pienalci!), Piele (mima varot), Leanarda Banučy i Matea Darmijan; u Hiermanii — Tomas Miuler, Miesut Aził (trapiŭ u štanhu) i Baśćian Švajnštajhier (mima).
Viečaram u niadzielu vyznačycca nastupny supiernik Hiermanii. Za prava zhulać u paŭfinale pazmahajucca Francyja i Isłandyja.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary