Vyjšaŭ pieršy numar «Našaj Nivy» ŭ farmacie miesiačnika

U prodažy źjaviŭsia pieršy numar «NN» u farmacie miesiačnika. NN-miesiačnik budzie vychodzić u pieršuju sieradu kožnaha miesiaca.

Bolšyja materyjały ź miesiačnika my nie budziem publikavać na sajcie.

Na NN.BY šukajcie naviny i kamientary, a taksama zabaŭki ŭsiaho patrochu. A miesiačnik chaj budzie dla niaśpiešnaha čytańnia, kab udumacca. Tak my bačym jaho kancepcyju. U astatnim — nijakich źmienaŭ. «NN» pa-raniejšamu budzie lustram biełaruskich dzion.

U jakaści pieršaj temy lipieńskaj «NN» my vybrali temu niejtralitetu — patencyjnaha «niejtralitetu Bieł.».

Ci pahražaje Biełarusi vajna? Jakaja? I jakim čynam možna ad jaje ŭchilicca? Cikavyja fakty pryvodzić analityk Arsień Sivicki.

Vialikuju pracu napisaŭ aŭtar «NN» z 1999 hoda Siarhiej Bohdan.

Narešcie, novyja aśpiekty raskryvaje materyjał Alesia Hiełahajeva pra navinki zbroi.

Centram pałos kultury stała novaja apovieść Uładzimira Arłova — vydatnaha piśmieńnika, aŭtara «NN» ad času jaje adnaŭleńnia ŭ 1991. Nazva ŭrazajecca ŭ pamiać: «Čorny čałaviek na zialonaj kanapie».

Andruś Horvat daje praciah svajho dziońnika: «Dziońnik Horvata. Leta z kazoj». Dakładniej, jon prasiŭ abaznačyć jaho jak «Zakančeńnie», jamu bolš nie chočacca vystaŭlać svajo pryvatnaje žyćcio na publiku, ale my nie hublajem nadziei ŭhavaryć jaho pisać dalej. Usio ž pačatak hetaha dziońnika staŭ samaj čytanaj publikacyjaj pa-biełarusku za 2015 hod (bolš za 106 tysiač prahladaŭ tolki ŭ internecie).

Antrapaturyzm — hetym razam novaje padarožža z «NN», z Andrejem Skurko, uzdoŭž linii sutyknieńnia VKŁ i Maskovii.

Katastrofa — stan humanitarnaj navuki jak u Biełarusi, tak i ŭ EHU. Prablemu ŭzdymaje fiłosaf Piotra Rudkoŭski.

I natchnialnaja vielič duchu — u repartažy Siarhieja Hudzilina pra dziaŭčynu Sašu.

Pytajciesia ŭ kijoskach, a najlepš — padpisvajciesia.

* * *

Na «Našu Nivu» ciapier možna lohka i vyhadna padpisacca praz «Biełpoštu». Košt padpiski na miesiac — 2,71 rubloŭ (indeks 63125), dla pradpryjemstvaŭ — 2,74 (indeks 631252). Pryčym apłacić padpisku možna i nie ŭstajučy z kresła.

Padrabiaznuju instrukcyju padpiski na hazietu praź internet krok za krokam možna znajści tut.

Jak padpisacca na pdf-viersiju — čytajcie tut.

Pamiatajcie, što Naša Niva / NN.BY — niezaležnaja hazieta. Jana isnuje na achviaravańni i hrošy z prodažaŭ. Tamu jana adlustroŭvaje intaresy biełaruskaha hramadstva, a nie dziaržavy. Naša Niva była zasnavanaja ŭ 1906, adnoŭlenaja ŭ 1991. Achviaravać hrošy na NN možna ŭ lubym banku, a taksama praz ARIP. Dziakuj za padtrymku!

• 0
• 0
• 0
• 0
• 0
• 0
• 0
• 0