Minenierha pra mahčymy incydent na budplacoŭcy BiełAES: «Pakul ničoha nie raskažam»
U Ministerstvie enierhietyki Biełarusi rychtujuć kamientaryj da infarmacyi, jakaja źjaviłasia siońnia ŭ internecie, ab tym, što na budaŭničaj placoŭcy Biełaruskaj AES nibyta zdaryŭsia incydent, paviedamili ŭ pres-słužbie viedamstva.
«Pakul ničoha nie raskažu. My raźbirajemsia. Infarmacyja źjavicca na sajcie ministerstva, mahčyma, siońnia, mahčyma, zaŭtra», — skazała pres-sakratar Minenierha Žanna Ziańkievič.
Jak paviedamiŭ šerah ŚMI, 10 lipienia padčas probnaj trenirovačnaj ustanoŭki reaktara 330-tonny ahrehat sarvaŭsia i ŭpaŭ uniz z vyšyni ad 2 da 4 mietraŭ. Miesca nadzvyčajnaha zdareńnia ačeplenaje i znachodzicca pad pastajannaj i ŭzmocnienaj achovaj.
U dyrekcyi budaŭnictva Biełaruskaj AES kamientaryj taksama atrymać nie ŭdałosia.
Heta nie pieršaje NZ na budaŭničaj placoŭcy stancyi. Nahadajem, 5 maja MZS Litvy ŭručyła pasłu Biełarusi Alaksandru Karalu notu z-za «mahčymaha incydentu na raźmieščanaj za 50 km ad Vilniusa Astravieckaj atamnaj elektrastancyi». Padstavaj stała apublikavanaja na sajcie telekanała «Biełsat» infarmacyja ab tym, što ŭ siaredzinie krasavika adbyłosia abrušeńni stojek budynka jadziernaha absłuhoŭvańnia elektrastancyi, jaki ŭzvodzicca. Nastupnym dniom Minenierha Biełarusi paviedamiła, što 8 krasavika byŭ zafiksavany defiekt pry padrychtoŭčych rabotach, nastupstvy jakoha likvidavanyja.
Paźniej litoŭski bok paviedamiŭ jašče pra adzin nibyta zafiksavany na budplacoŭcy incydent. Infarmacyja z hetaj nahody taksama nie była paćvierdžanaja biełaruskim bokam, adnak heta pasłužyła padstavaj dla ŭručeńnia 8 červienia ŭžo druhoj noty.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary