Abiertylijach. Dzie budzie žyć Domračava
Što zdaryłasia?
Samaja viadomaja bijatłanistka Biełarusi stała žycharkaj miastečka Abiertylijach. U Aŭstryju Domračava pierajechała śledam za mužam, Ule-Ejnaram Bjorndalenam. Bijatłanist daŭno źjaŭlajecca žycharom Abiertylijach (adnym ź niamnohich, darečy).
Abiertylijach? I jak tam?
Abiertylijach — maleńkaja aŭstryjskaja vioska na miažy ź Italijaj. Płošča Abiertylijach supastaŭnaja z Baranavičami i Barysavam (64 km²). U vioscy žyvie ŭsiaho 700 čałaviek, ale dla hetych ludziej stvorany ŭsie ŭmovy dla kamfortnaha žyćcia. Viosačka raźmieščana ŭ dalinie pamiž dvuma hornymi masivami na vyšyni 1450 mietraŭ nad uzroŭniem mora. Heta pryčyna, pa jakoj tam vialikuju častku hoda lažyć śnieh.
Cikava. A jašče što?
Niepadalok ad Abiertylijacha raźmiaściŭsia centr bijatłona, dzie prachodziać etapy Kubka IBU. Na aficyjnym turystyčnym partale hanaracca tym, jakija ŭmovy stvorany dla stralajučych łyžnikaŭ, i dadajuć: «A jon viedaje tołk u hetym». Fraza datyčycca Bjorndalena. Ciapier na adnu nahodu dla honaru ŭ Abiertylijacha stanie bolš — nie kožny dzień tudy pierajazdžaje trochrazovaja alimpijskaja čempijonka.
Jašče ŭ Abiertylijachu pravodziać zbory mnohija bijatłanisty. Tak, naprykład, chutka tudy zajeduć narviežcy. Płanujuć patreniravacca ŭ aŭstryjskich harach i biełarusy. Iduć pieramovy z trenieram rasijskaj zbornaj.
I kolki tam kaštuje žyllo?
Znajści košt žylla ŭ Abiertylijachu akazałasia nie tak i prosta. Choć i čakać šmat prapanoŭ ad miastečka na 700 žycharoŭ było b hłupstvam. Arenda damoŭ, haścinicy — kolki zaŭhodna. Kupla? Nam udałosia znajści adnu abjavu ab prodažy doma (dakładniej, cełaj fiermy) u Abiertylijachu. Trochpakajovyja apartamienty ŭ «cichim miescy» (a ci jość tam šumnyja miescy?) z žyłoj płoščaj u 140 kvadratnych mietraŭ, adnym tualetam i adnoj kuchniaj abydziecca ŭ 640 tysiač jeŭra. Doraha? Zatoje sa svaim nadziełam.
U akruzie Lijenc, da jakoha naležyć Abiertylijach, možna kupić dom i tańniej (za dźvie-try sotni tysiač jeŭra), i daražej (za paru miljonaŭ). U lubym vypadku, bieź vialikaj sumy hrošaj žyllo tut nie kupiš. Možna źniać appartamienty ŭ arendu: z tych prapanoŭ, što my znajšli na booking.com, samaje tannaje było ŭ rajonie 50 dalaraŭ za sutki.
Tam choć pryhoža? Davaj fotki!
Piejzažy tam, viadoma, idyličnyja.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary