Mižnarodny alimpijski kamitet (MAK) vyrašyŭ ŭklučyć piać novych vidaŭ sportu ŭ prahramu letnich Hulniaŭ 2020 hoda, jakija adbuducca ŭ Tokia, havorycca na sajcie kamiteta.
U prahramu ŭvojduć biejsboł (saftboł), karate, siorfinh, spartovaje skałałazańnie i skiejtbordynh. Takoje rašeńnie było pryniata ŭ ramkach 129 siesii kamiteta ŭ Rya-de-Žaniejra.
«My chočam zrabić sport [pryvabnym] dla moładzi. Ź vialikim vybaram, jaki jość u maładych ludziej, my nie možam čakać, što jany samastojna da nas pryjduć. Nam davodzicca iści da ich», — zajaviŭ prezident MAK Tomas Bach.
Na jaho dumku, novyja piać vidaŭ sportu, uklučanyja ŭ prahramu, — heta «inavacyjnaje spałučeńnie isnujučych i novych, sfakusavanych na maładych ludziach mierapryjemstvaŭ, jakija papularnyja ŭ Japonii».
Prapanovu ab uklučeńni hetych vidaŭ sportu ŭ prahramu Alimpijskich Hulniaŭ unios Takijski alimpijski kamitet jašče ŭ vieraśni 2015 hoda. Pry hetym, jak adznačaje MAK, zusim nieabaviazkova, što hetyja vidy sportu buduć uklučany ŭ prahramu Hulniaŭ paśla Alimpijady 2020 hoda.
U Tokia ŭžo prachodzili letnija Hulni ŭ 1964 hodzie. Rašeńnie pra toje, što stalica Japonii budzie haspadyniaj Alimpijady, było pryniata ŭ ramkach 125 siesii MAK u vieraśni 2013 hoda.
Ciapier u prahramu letnich hulniaŭ uvachodziać akademičnaje viesłavańnie, badminton, baskietboł, boks, baraćba, valejboł, himnastyka, a taksama vodnyja vidy sportu, viełasport, lohkaja i ciažkaja atletyka, dziudo, tenis i inšyja vidy sportu.
Ciapier čytajuć
Redaktara niezaležnaj baranavickaj haziety «Inteks-Pres» Janukieviča prysudzili da 14 hadoŭ kałonii, jaho namieśnika Pakalenku — da 12 hadoŭ4
Kamientary