Na 68-m hodzie žyćcia 22 žniŭnia pamior zasłužany artyst Biełarusi Alaksandr Biaspały, paviedamiŭ Teatr-studyja kinaakciora.
Raźvitańnie i adpiavańnie Biaspałaha adbudziecca ŭ minskim chramie-pomniku ŭ honar Usich Śviatych (stancyja mietro «Uschod») 24 žniŭnia ŭ 10.00.
Alaksandr Biaspały skončyŭ akciorska-režysiorski fakultet VHIKa (majsternia prafiesara Tałankina, biełaruski nabor). Z 1973 hoda pracavaŭ na kinastudyi «Biełaruśfilm», z 1981 hoda — u Teatry-studyi kinaakciora. «Alaksandr Siarhiejevič — adzin z tych, chto ŭvasablaŭ historyju teatra, chto stvaraŭ jaje. Prychilnik teatra, pa-sapraŭdnamu talenavity akcior i režysior, jon z tych, kaho viedała, lubiła i na kaho chadziła publika, — adznačajecca ŭ niekrałohu. — Akcior, jaki realizavaŭ sapraŭdy narodny charaktar, uznaviŭ najiarčejšyja, paznavalnyja, blizkija, śmiešnyja i čałaviečnyja vobrazy ŭ samych značnych śpiektaklach repiertuaru: «Usio jaho žyćcio», «Žanićba Balzaminava», «Fantazii pavodle Hohala», «Vykradańnie Aleny», «Miły łhun», « …Zabyć Hierastrata!» i cełym šerahu inšych».
U suaŭtarstvie z zasłužanym artystam Biełarusi Uładzimiram Hryceŭskim Biaspały pastaviŭ śpiektakli «Teatr kupca Japiškina», «Apošniaja žančyna sieńjora Chuana», «Vostraŭ našaj Lubovi i Nadziei», «Naviečna ŭ pamiaci», «Pole bitvy» i inš. Syhraŭ bolš za 130 kinarolaŭ.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Błohierka praviaraje čyściniu i jakaść praduktaŭ u minskich kramach. Padabajecca heta nie ŭsim1
Kamientary