Prysud byłomu kiraŭniku «Cmokaŭ-Minsk» abvieściać 5 vieraśnia
U Maskoŭskim sudzie Minska, dzie 31 žniŭnia mielisia abviaścić prysud eks-hiendyrektaru baskietbolnaha kłuba «Cmoki-Minsk» Kanstancinu Šaravieru, paviedamili pra pieranos abviaščeńnia prysudu na 5 vieraśnia. «Pryčyn nie kamientujem», — skazali ŭ sudzie.
Praces nad eks-hiendyrektaram baskietbolnaha kłuba «Cmoki-Minsk» bje rekordy praciahłaści. Sud nad Kanstancinam Šaravieram pačaŭsia jašče ŭ śniežni 2015 hoda. Svaju vinu eks-hiendyrektar na pačatku sudovaha śledstva nie pryznavaŭ.
Kanstancin Šaraviera abvinavačvajecca ŭ złačynstvach pavodle troch artykułaŭ Kryminalnaha kodeksa, u tym liku — ab kradziažy praz złoŭžyvańnie słužbovym stanoviščam. Pavodle śledstva, Šaraviera raskraŭ hrašovyja srodki kłuba, skarystaŭšysia roźnicaj uznaharodžańniaŭ u pryvatna ahavoranych i aficyjna aformlenych kantraktach. Straty ad hetaj dziejnaści śledstva acaniła ŭ 6,2 miljarda niedenaminavanych rubloŭ. Taksama były hiendyrektar nibyta vyvodziŭ z abarotu kłuba srodki na kampiensacyju charčavańnia spartoŭcam padčas vučebna-trenirovačnych zboraŭ. Śledstva pradstaviła sudu i dokazy taho, što Kanstancin Šaraviera za košt kłuba arhanizavaŭ bankiet u honar svajho jubileju.
Kanstancin Šaraviera znachodzicca pad vartaj z 14 krasavika 2015 hoda.
Prakuror prasiŭ sud prysudzić Kanstancinu Šaravieru šeść hadoŭ kałonii ŭzmocnienaha režymu, a taksama kanfiskavać majomaść.
Sudzić Kanstancina Šaravieru sudździa Alaksandr Pietraš.
Ciapier čytajuć
Advakat Dźmitryj Lepretar raskazaŭ pra biełyja plamy ŭ spravie ab terakcie ŭ mietro1
Kamientary