U Minsku aštrafavali pasažyra aŭto z rasijskimi numarami, šukajuć kiroŭcu: jany nakinulisia na biełarusa z ukrainskim ściažkom na aŭto
Kułaki — krajni i niepažadany srodak raźviazańnia kanfliktaŭ. Pahatoŭ na darozie. Adnak na skryžavańni vulicaŭ Matusieviča i Dambroŭskaj u Minsku kiroŭca staŭsia achviaraju mienavita takoha napadu.
Dasiul brutalnyja raźbiralnictvy na darozie Artur Chamienka bačyŭ tolki praz televizar. A toje, što sam niekali trapić u takuju situacyju, nie moh navat ujavić. U toj dzień, kab paśpieć advieźci syna na trenavańnie, jon abahnaŭ «Toyota» z rasiejskimi numarami. U adkaz kiroŭca nieadnarazova «padrezaŭ» mašynu Artura, a ŭžo na śviatłafory — vyskačyŭ z aŭta.
«Ja apuściŭ škło, kiroŭca «Toyota» padyšoŭ voś adsiul i tut ža ŭdaryŭ u tvar mnie. Potym, kali ja chacieŭ vyjści z mašyny, jon trymaŭ voś tak levaj rukoj dźviery, a druhoj sprabavaŭ praciahvać nanosić udary», — Artur Chamienka raspaviadaje i pakazvaje, jak usio adbyvałasia.
U toj ža čas adzin z pasažyraŭ ahresiŭnaha kiroŭcy nakinuŭsia na aŭtamabil. U vyniku tresnuła šyba i raźbiłasia lusterka. Pryčynaju ž takich ahresiŭnych pavodzinaŭ Artur ličyć nie tolki niepadzielenuju trasu.
«Prybiejcie hetaha chachła, u jaho chachlacki ściah!» Voś takija vykazvańni byli. Tamu ja liču, heta napadzieńnie i chulihanskija pavodziny vyklikana ich reakcyjaj na toje, što ŭ mianie na paneli ŭkrainski ściah», — śćviardžaje Artur Chamienka.
Arturu ž Chamienku ŭ raspačynańni kryminalnaje spravy pa fakcie źbićcia admovili.
Zatoje pasažyra aŭtamabila z rasijskimi numarami pakarali štrafam 10 bazavych, to bok u 210 rubloŭ, za paškodžanaje aŭta. Kiroŭcu aŭtamabila pakul nie adšukali.
Paciarpieły praciahvaje šukać śviedkaŭ padziei, spadziajecca, što kiroŭca paniasie bolšaje pakarańnie.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary