Chiłary Klintan padčas pieršych pramych debataŭ z Donaldam Trampam papraknuła jaho ŭ paturańni kibieratakam suprać amierykanskich dziaržustanoŭ i kampanij, u jakich jana abvinavaciła Kreml.
Tramp, u svaju čarhu zajaviŭ, što za kibieratakami mahła stajać nie Rasija, a Kitaj abo inšaja kraina, i papraknuŭ ciapierašniuju amierykanskuju administracyju ŭ tym, što jana prajhraje infarmacyjnuju vajnu z ekstremistami.
«Usio čaściej my bačym kibierataki, što sychodziać ad uradaŭ, i adnym z takich uradaŭ była Rasija, jakaja praviała kibierataki na samyja roznyja kampanii i ŭstanovy», - zajaviła kandydat u prezidenty ZŠA ad demakrataŭ u chodzie debataŭ u Ńju-Jorku.
«My budziem abaraniać žycharoŭ našaj krainy, i ruskija pavinny heta razumieć», - dadała jana.
«Donald vielmi dobra vykazvajecca pra Pucina […] Ja była ŭ šoku, kali Donald publična zaklikaŭ Pucina vykradać infarmacyju ab hramadzianach ZŠA», - zaŭvažyła Chiłary Klintan, kažučy pra źviernuty da Rasii zaklik Trampa dapamahčy ŭ pošukach 30 tysiač listoŭ, jakija jana vydaliła paśla skandału, vyklikanaha tym, što — budučy dziaržsakratarom ZŠA - u parušeńnie ŭstanoŭlenych patrabavańniaŭ viała słužbovuju pierapisku z asabistaha akaŭnta elektronnaj pošty.
«Jana kaža «Rasija, Rasija, Rasija», ale heta mahli zrabić Rasija, ci Kitaj, ci niejki čałaviek vahoj u 400 funtaŭ, siedziačy na łožku ŭ svaim pakoi», - adkazaŭ kandydat u prezidenty ZŠA ad respublikancaŭ.
Pavodle apytańniaŭ, u apošni čas razryŭ ŭ rejtynhu pamiž Chiłary Klintan i Donaldam Trampam skaraciŭsia; eks-dziaržsakratar apiaredžvaje svajho supiernika ŭsiaho na 2%.
Kamientary