Šviedskaja akademija spyniła sproby vyjści na suviaź z amierykanskim paetam i muzykam Bobam Dyłanam, jakomu jana raniej prysudziła Nobieleŭskuju premiju pa litaratury.
«My ciapier ničoha nie robim», — skazała pastajanny sakratar akademii Sara Danijus.
«Ja patelefanavała i adpraviła elektronnyja listy jaho pradstaŭniku i atrymała pryjaznyja adkazy. Pakul hetaha całkam dastatkova», — skazała jana.
Pakul nie viadoma, ci pryjedzie Dyłan na cyrymoniju ŭručeńnia premii, pryznačanuju na 10 śniežnia.
«Kali nie zachoča pryjazdžać — nie pryjedzie, — skazała Danijus žurnalistam. — Ale ŭ jaho honar ŭsio roŭna zładziać vialikuju imprezu».
Dyłan da hetaha času nie prakamientavaŭ prysudžeńnie jamu premii, pra jakoje było abvieščana ŭ minuły čaćvier, 13 kastryčnika.
Nieŭzabavie paśla abjavy ab prysudžeńni jamu premii Dyłan daŭ kancert u Łas-Viehasie, ale padčas vystupu tak i nie zhadaŭ pra rašeńnie Nobieleŭskaha kamiteta.
Bob Dyłan staŭ pieršym łaŭreatam Nobieleŭskaj premii pa litaratury, jakomu jaje prysudzili za teksty piesień.
U svaim rašeńni Šviedskaja akademija patłumačyła, što premija prysudžanaja Dyłanu za «stvareńnie novaj paetyčnaj movy ŭ ramkach vialikaj amierykanskaj piesiennaj tradycyi».
Ciapier čytajuć
Zialenski ŭ Vilni: Pakul špic Łukašenki maje bolš pravoŭ, čym narod Biełarusi7
Kamientary