Nieastalinisckaja litaratura ŭ kniharni «Śvietač» FOTA
Dom knihi «Śvietač» na praśpiekcie Pieramožcaŭ u Minsku maje niemały asartymient litaratury na płoščy ŭ 1000 kvadratnych mietraŭ. Adrazu na ŭvachodzie ŭ rubrycy «Navinki» naviednikaŭ čakaje tomik Zachara Prylepina «Usio, što pavinna vyrašycca» z partretami Zacharčanki i Mataroły na vokładcy.
Sam Prylepin, vieteran Čečenskaj vajny, «nacboł», pamahaty terarystaŭ z DNR-ŁNR, nikoli nie chavaŭ simpatyjaŭ da psieŭdarespublikaŭ dy ich «baćkoŭ-zasnavalnikaŭ». Zusim niadaŭna, darečy, Prylepin, dobra znajomy z «Matarołam», abjaviŭ pra zbor srodkaŭ dla siamji terarysta, padarvanaha ŭ lifcie žyłoha domu.
Chapaje ŭ kniharni i inšych litaraturnych cikavostak. Adnamu Stalinu ŭ kniharni pryśviečana ažno dźvie palicy. Siarod knižak možna znajści vydańni kštałtu «Nastolnaja kniha stalinista» abo «Hienij Stalina». Apošniaja, miž inšym, pačynajecca z hłavy «1937 hod: Vajna za niezaležnaść SSSR. Stalin ich pabiary!»
Tut ža knižki całkam fantastyčnaha źmiestu, pryazdoblenyja svastykami na vokładcy. Naprykład, «My Aryi. Vytoki Rusi» albo «Aryi. Pieršaja encykłapiedyja vyšejšaj rasy». Z sumnieŭnych vydańniaŭ možna daviedacca, naprykład, pra Rasieju ŭ časy Staražytnaha Jehiptu, Biblii dy Hamiera… Nie ciažka zdahadacca, što rasiejcam u padobnaj litaratury advodzicca taja ž «vyznačalnaja dla śvietu» rola, što i niemcam u padobnych vydańniach u časy III Rajchu.
Samaje cikavaje, što «Śvietač» — heta nie jakaja-niebudź marhinalnaja kniharnia, ale hałoŭny orhan AAA «Biełkniha», dziaržaŭnaha vydaviectva.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary