Alaksandr Łukašenka 8 listapada padpisaŭ Dekret №5 «Ab pieramiaščeńni, zachoŭvańni i prodažy fizičnymi asobami ałkaholnych napojaŭ». Pra heta paviedamili ŭ pres-słužbie biełaruskaha lidara.
Dakumient vydadzieny ŭ metach kompleksnaha ŭdaskanaleńnia miechanizmaŭ procidziejańnia niezakonnamu abarotu ałkaholu i praduhledžvaje admienu abmiežavańnia pa kolkaści ałkaholnych napojaŭ, markiravanych akcyznymi markami Biełarusi i admysłovymi markami, jakuju fizičnyja asoby, jakija nie źjaŭlajucca indyvidualnymi pradprymalnikami (dalej — fizičnyja asoby), mohuć zachoŭvać i pieramiaščać (nie dla kamiercyjnych metaŭ).
Adnačasova dekretam admianiajecca abmiežavańnie pa dazvolenaj da zachoŭvańnia dla asabistych metaŭ kolkaści ałkaholnych napojaŭ, vyrablenych za miežami Biełarusi, nie markiravanych akcyznymi markami Biełarusi i admysłovymi markami, i zachoŭvajecca hraničny abjom (5 ł) takich ałkaholnych napojaŭ, jaki fizičnyja asoby majuć prava pieramiaščać pa terytoryi krainy.
Za parušeńnie nazvanaha abmiežavańnia dekretam ustanoŭlenaja administracyjnaja adkaznaść u vyhladzie štrafu ŭ pamiery ad 10 da 100 bazavych vieličyń z kanfiskacyjaj ałkaholnych napojaŭ, jakija pieravyšajuć dazvolenuju da pieramiaščeńnia kolkaść, abo biez kanfiskacyi. Za paŭtornaje na praciahu hoda ŭčynieńnie dadzienaj dziei dadatkova praduhledžvajecca mahčymaść kanfiskacyi transpartnych srodkaŭ, jakija vykarystoŭvajucca dla pieramiaščeńnia takoha ałkaholu, niezaležna ad taho, u čyjoj ułasnaści jany znachodziacca.
Akramia taho, z ulikam analizu situacyi, jakaja składvajecca ŭ śfiery niezakonnaha abarotu ałkaholu, dekretam uzmacniajecca adkaznaść za prodaž fizičnaj asobaj ałkaholnych napojaŭ, nie markiravanych va ŭstanoŭlenym paradku akcyznymi markami Biełarusi i admysłovymi markami, u tym liku ŭłasnaj vytvorčasci, pry adsutnaści prykmiet niezakonnaj pradprymalnickaj dziejnaści. U hetych metach uvodzicca mahčymaść kanfiskacyi ŭsich takich ałkaholnych napojaŭ, jakija naležać vinavataj asobie abo jakija znachodzilisia ŭ miescy ździajśnieńnia pravaparušeńnia na momant jaho ździajśnieńnia. Za paŭtornaje na praciahu hoda ŭčynieńnie dadzienaha pravaparušeńnia praduhledžany pavieličeńnie pamieru štrafu (z 20 da 30 BV), a taksama abaviazkovaja kanfiskacyja nazvanych ałkaholnych napojaŭ.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary