Matolka apublikavaŭ zvarot mastaka, jaki damalavaŭ «kalučy drot» na hrafici ŭ Minsku
Staršynia Minharvykankama Andrej Šorac 21 śniežnia zajaviŭ, što vykanaŭca samavolnaj zamaloŭki hrafici na vulicy Mahiloŭskaj u Minsku znojdzieny, i ź jaho spahoniać srodki praz sud.
Błohier Anton Matolka miarkuje, što heta nie tak. 23 śniežnia jon apublikavaŭ u fejsbuku zvarot nieviadomaha mastaka da hramadskaści.
«Ja chaču padziakavać usim, chto acaniŭ maju akcyju. Hetaj pracaj ja nie chacieŭ kazać pra palityku ci adnosiny Biełarusi i Rasii. Hetyja traktoŭki ja b pakinuŭ hledaču: chaj kožny sam vyrašaje, što značyć kalučy drot, kamu jon kolić ruki, kamu — hałavu, a kamu — čerap znutry.
Svajoj akcyjaj ja chacieŭ skazać, što kali chtości źbirajecca pieratvaryć vuličnaje mastactva ŭ instrumient prapahandy i kamiercyjnaj nažyvy, jon musić być hatovy da taho, što tak prosta jamu heta z ruk nie sydzie, lohka nie budzie.
Kali niechta ličyć, što moža naplavać na mierkavańnie ludziej, haradžan, chaj budzie hatovy atrymać adpor, adkaz ad tych, kamu nie ŭsio adno. Ci budu heta ja, ci niechta inšy — nie važna. U dadzienym vypadku ja kažu ad imia ŭsich tych, kaho vanituje ad iłžyvaj prapahandy i naviazvańnia svajho hustu i svajho mierkavańnia tymi, chto vyšej.
Haradskaja prastora nie naležyć čynoŭnikam, jakich my nie abirajem. Nie, pavažanyja, my vam nie vierym!
Dziakuj!»
Ułady śćviardžajuć, što znajšli mastaka, jaki namalavaŭ kalučy drot na hrafici «Minsk-Maskva»
Ananimny hraficist: «Pieraśledavać mianie było b hłupstvam. Heta nie vandalizm, a vypraŭleńnie vandalizmu»
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?17
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary