Labiedźka pra futboł z Łukašenkam: «Niejak jon zabyŭsia nadzieć pad šorty bializnu…»
Biełaruski palityk Anatol Labiedźka raspavioŭ pra hulniu ŭ futboł z Alaksandram Łukašenkam, piša tribuna.com.
«Alaksandr Ryhoravič nie lubiŭ hulać u abaronie i zaŭsiody dziejničaŭ bližej da varot. Ale tady nie było siońniašniaj situacyi, kali pierad im na lodzie ŭsie raźjazdžajucca. U tyja hady jon byŭ usiaho tolki adnym z, i nichto jamu (dy i nikomu) spusku nie davaŭ. Sieklisia surjozna.
Łukašenka nie vyłučaŭsia niejkaj asablivaj hulnioj abo dobraj škołaj, ale i abiedni nie psavaŭ. Zatoje byŭ adnym z samych šumnych i aktyŭnych. Pastajanna patrabavaŭ miač. Byŭ takim, jak na pracy. Pamiataju, što ŭ Avalnaj zale jon zaŭsiody byŭ adnym z samych aktyŭnych. Heta była jaho fiška. Napeŭna, pa vychadach da mikrafonu jon lidziravaŭ.
Što tyčycca žorstkaści, to tak, nie lubiŭ, kali jaho šturchali abo sprabavali ŭziać na ściahno. Paśla zaŭsiody imknuŭsia adpomścić i ŭ vyniku znachodziŭ mahčymaść «adkazać» kryŭdzicielu. My ŭsie viedali: zavaliŭ Łukašenku — čakaj adkazu. Ale za hetuju rysu jaho nie niedalublivali. Alaksandr Ryhoravič byŭ u kampanii. Udzielničaŭ u abmierkavańni matču, žartavaŭ ź inšych i byŭ abjektam dla žartaŭ. Jon časta pryvoziŭ z saboj butelečku škłoŭskaj samahonki, jakuju paśla futboła my raśpivali. Treba pryznać, što dobry byŭ napoj. Škłoŭščyna tady była bahataja nie tolki ahurkami, ale i tradycyjami samahonavareńnia. I ŭ deputata Alaksandra Łukašenki byŭ dobry pastaŭščyk.
Apranaŭsia budučy prezident vielmi harmanična: čyrvonyja futbolnyja majtki i čyrvony spartyŭny kaścium. Šorty byli takoha šaravarnaha typu, i adnojčy praz heta zdaryłasia dziŭnaja historyja. Niejak tak vyjšła, što jon zabyŭ pad ich nadzieć bializnu. I padčas matču pryčynnaje miesca dla ŭsich ahalałasia. Heta zaŭvažyli niejkija dziaŭčyny, što zastalisia na trybunach paśla hulni SKA, i pačali kryčać: «Čyrvonamu davaj!» Nas usich heta vielmi viesialiła, a Alaksandra Ryhoraviča dastatkova mocna napružvała. My staralisia krychu bolš na jaho hulać», — raspavioŭ Labiedźka».
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary