Minčanki telefanujuć abaroncam pravoŭ spažyŭcoŭ z prośbaj dapamahčy viarnuć u kramu niepatrebnyja padarunki, paviedamiła ahienctvu «Minsk-Naviny» staršynia Biełaruskaha tavarystva abarony spažyŭcoŭ Hanna Suša.
«Naša praktyka pakazvaje, što paśla śviataŭ — Novaha hoda, 23 lutaha, 8 Sakavika — niekatoryja minčanie źviartajucca ŭ kramy z prośbaj viarnuć hrošy za niepatrebny padarunak, — adznačyła Suša. — U niekatorych vypadkach pradaŭcy im admaŭlajuć — tady spažyŭcy źviartajucca da nas. Matyvujuć tym, što ŭ haspadarcy, dapuścim, dźvie paravarki nie patrebnyja, abo im prosta patrebnyja hrošy. Što chočuć viarnuć? Elektramiasarubki, kuchonnyja kambajny, fieny, posud, viačernija sukienki, parfumu i inšyja tavary».
Pavodle słoŭ Sušy, isnuje pieralik niecharčovych tavaraŭ naležnaj jakaści, jakija nie padlahajuć abmienu i viartańniu. U hety rejestr uvachodziać i technična składanyja tavary bytavoha pryznačeńnia, na jakija ŭstanoŭlenyja harantyjnyja terminy i ŭ techničnym pašparcie (abo zamianiajučym jaho dakumiencie) jakich majecca adznaka ab dacie prodažu.
«Usie astatnija tavary, jakija nie byli va ŭžyvańni i zachavali svaje spažyvieckija ŭłaścivaści, možna viarnuć na praciahu 14 dzion z dnia pakupki, — padkreśliła Suša. — Pry hetym nie važna, pa jakoj pryčynie jon vam nie spadabaŭsia. Vy nie abaviazanyja tłumačyć pradaŭcam, čamu heta adbyłosia».
U vypadku, kali tavar uklučany ŭ aznačany pieralik, ale ŭ im majucca niedachopy, to bok jon niajakasny, vy možacie abmianiać abo viarnuć jaho ŭ kramu.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach6
Kamientary