«Marš niedarmajedaŭ» u Baranavičach: vyjšła 50 čałaviek, ale bieź lidaraŭ i miehafona
U Baranavičach na akcyju pratestu suprać Dekretu №3 vyjšła niekalki dziasiatkaŭ čałaviek. Arhanizataraŭ zahadzia zatrymali.
Jašče da pačatku maršu byli zatrymanyja aktyvist prafsajuzu radyjoelektronnaj pramysłovaści (REP) Ryhor Hryk i siabra Partyi BNF Mikałaj Čarnavus-starejšy, jakija źjaŭlalisia asnoŭnymi arhanizatarami akcyi. Siabra abjadnanaj partyi Mikałaj Čarnavus-małodšy, jaki braŭ aktyŭny ŭdzieł u papiaredniaj akcyi suprać Dekretu №3 u Baranavičach, 17 sakavika asudžany na 12 sutak administracyjnaha aryštu.
Akcyja 19 sakavika planavałasia na 16.00, ale šyroka nie anansavałasia. Za paŭhadziny da hetaha času na centralnaj płoščy horadu źjavilisia niekalki hrup z 4-5 čałavieki supracoŭnikaŭ u cyvilnym. Kali na płoščy pačali źjaŭlacca ŭdzielniki akcyi, hetyja asoby stali papiaredžvać pra adkaznaść za ŭdzieł u niesankcyjanavanym mierapryjemstvie.
Praz adsutnaść lideraŭ i hukaŭzmacnialnaj aparatury akcyja ŭ Baranavičach faktyčna nie adbyłasia. Ludzi krychu pastajali kupkami i paasobku, ale nichto nie pramaŭlaŭ.
Adzin z udzielnikaŭ akcyi, miascovy pravaabaronca Siarhiej Hoŭša skazaŭ, što «pa-sutnaści akcyja nie adbyłasia»: «Ludzi prosta pryjšli i pahavaryli pamiž saboju. Było vielmi šmat milicyjantaŭ».
Za minuły baranavicki «Marš niedarmajedaŭ», jaki prajšoŭ 26 lutaha, aktyvistaŭ karali štrafami i turmoj.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary