Padtrymka suvierennaści i terytaryjalnaj cełasnaści Ukrainy, a taksama zaklik da ŭładaŭ Biełarusi pavažać pravy čałavieka — takija najvažniejšyja punkty vynikovaha dakumienta, pryniataha na 8-j sumiesnaj siesii parłamientaŭ Polščy, Litvy i Ukrainy. U aŭtorak u Sienacie Polščy zaviaršyłasia dvuchdzionnaje pasiadžeńnie troch parłamienckich hrup, paviedamlaje Radyjo Polšča.
Śpikier Sienata Polščy Stanisłaŭ Karčeŭski adznačyŭ, što najvažniejšaj temaj pasiadžeńnia było pytańnie biaśpieki Ukrainy: «Bolš za ŭsio my zaniepakojenyja pytańniem biaśpieki, u pryvatnaści, biaśpieki Ukrainy. Mienavita tamu ŭ pieršych radkach vynikovaha dakumienta pasiadžeńnia my pišam ab akupacyi Kryma, ab ahresii va Ukrainu».
U dakumiencie taksama adznačajecca, što sankcyi ŭ dačynieńni da Rasii nie mohuć być admienienyja da momantu vykanańnia Minskich pahadnieńniaŭ i zakančeńnia akupacyi Kryma.
Pradstaŭniki parłamientaŭ Polščy, Litvy i Ukrainy taksama vykazali zaniepakojenaść z nahody reakcyi biełaruskich uładaŭ na mirnyja demanstracyi ŭ krainie. Jany padkreślili, što biełarusy majuć prava na svabodu schodu. Parłamientaryi zaklikali ŭłady ŭ Minsku pavažać asnoŭnyja pravy čałavieka i vyzvalić usich zatrymanych padčas demanstracyj.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary