Prablema z ačyščalnymi zbudavańniami AAT «Dziatłaŭski syrarobny zavod» budzie vyrašacca paetapna. Pra heta padčas asabistaha pryjomu hramadzian u Dziatłaŭskim rajonie paviedamiŭ staršynia Hrodzienskaha abłvykankama Uładzimir Kraŭcoŭ, pieradaje karespandent BiełTA.
Adna z žycharak Dziatłava była delehavana ad žycharoŭ adrazu niekalkich vulic, damy na jakich raźmieščany niepadalok ad ačyščalnych zbudavańniaŭ Dziatłaŭskaha syrarobnaha zavoda. Uletku jany raspaŭsiudžvajuć nievynosny pach. Pryčym prablema nie novaja: u 2010 hodzie ŭžo byŭ raspracavany prajekt rekanstrukcyi ačyščalnych zbudavańniaŭ, adnak nie byŭ realizavany. Ciapier prajekt aktualizujecca, ale pracy zapatrabujuć surjoznych finansavych vydatkaŭ — kala Br7 młn.
«Padobnaja prablema jość taksama ŭ Ašmianach, Ščučynie, inšych haradach. My ad jaje nikudy nie sydziem. Ačyščalnyja zbudavańni ŭzvodzilisia šmat hadoŭ tamu, abjomy vytvorčaści z tych časoŭ vyraśli ŭ razy. Zavod daje pradukcyju, stvaraje pracoŭnyja miescy, ale my pavinny ŭličvać i intaresy žycharoŭ horada», — adznačyŭ Uładzimir Kraŭcoŭ. Jon padkreśliŭ, što prablema budzie vyrašacca paetapna.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary