Rasija budzie pastaŭlać u Biełaruś štohod pa 24 młn t nafty da 2024 hoda, zajaviŭ namieśnik premjer-ministra Biełarusi Uładzimir Siamaška ŭ efiry telekanała «Biełaruś 1».
«Buduć adnoŭleny pastaŭki nafty ŭ Biełaruś u tych abjomach, jakija prapisany ŭ dziejučym pahadnieńni, h.zn. 24 młn t u hod. Takija abjomy pavinny pastaŭlacca z hetaha hoda i da 2024-ha ŭklučna», - paviedamiŭ Uładzimir Siamaška. Jon udakładniŭ, što dasiahnutyja damoŭlenaści vyhadnyja dla biełaruskaha boku.
Pavodle infarmacyi telekanała «Biełaruś 1», pastaŭki nafty ŭ raniejšych abjomach adnoviacca nie paźniej 13 krasavika. Novaje pahadnieńnie pa nafcie budzie dziejničać da 2024 hoda ŭklučna. U dadatak ź Biełarusi źniata abaviazacielstva pastaŭlać u Rasiju za 1 młn t naftapraduktaŭ u hod - u asnoŭnym heta byŭ vysokaaktanavy bienzin, dla krainy prodaž pa nizkaj canie jakasnaha praduktu byŭ stratny. Dla Biełarusi admiena takich pastavak dazvolić zarablać dadatkova $ 150 młn u hod. Kampramis pa hazavym pytańni znojdzieny na trochhadovuju pierśpiektyvu - cana na błakitnaje paliva budzie źnižana dla Biełarusi z 2018 hoda.
U efiry telekanała taksama ahučana, što ahulny ekanamičny efiekt ad dasiahnutych damoŭlenaściej pa nafcie i hazu ŭ bližejšyja 3 hady składzie prykładna $ 2 młrd.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary