Bolš za dźvie tysiačy adesitaŭ roznych pakaleńniaŭ sa ściahami Ukrainy i Jeŭrasajuza ŭ rukach vyjšli na dziasiaty «Miehamarš u vyšyvankach» pa centralnych vulicach marskoj stalicy Ukrainy, paviedamlaje «Ukrinform».
U hałavie kałony nieśli vialikuju raściažku z nadpisam «Miehamarš ŭ vyšyvankach. Adesa», jakuju z dvuch bakoŭ atačali hierb Ukrainy i krymskotatarskaja tamha. Pobač ruchałasia vialikaja hrupa junych adesitaŭ z raściažkaj «Małyja na miehamaršy», a nad hałovami ludziej kałychałasia doŭhaje žoŭta-siniaje pałotnišča, mnohija nieśli taksama płakaty z nacyjanalnaj simvolikaj krymskich tataraŭ.
Udzielniki miehamarša - ad Sabornaj płoščy da Prymorskaha bulvara skandavali: «Kazackamu rodu niama pieravodu», «Adna, adzinaja, sabornaja Ukraina», «Małdavanka i Piaresyp — u vyšyvankach usia Adesa», «Ukraina vyšej za ŭsio».
Udzielnikam akcyi prademanstravali majsterskaje vykanańnie tanca «Bajavy hapak» vychavancy junackaj škoły «Štorm», a la budynka meryi malaŭničuju kałonu sustreŭ arkiestr Nacyjanalnaj hvardyi Ukrainy, jaki vykanaŭ šerah patryjatyčnych kampazicyj.
Skončyŭsia miehamarš-2017 sumiesnym vykanańniem pieśni «Baťkivŝina».
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary