U Sinhapury baćkam novanarodžanych chłopčykaŭ razam z paśviedčańniem ab naradžeńni z hetaha času ŭručajecca i pozva ŭ vojska, paviedamlajuć infarmahienctvy.
Padobnaja inicyjatyva realizujecca Ministerstvam abarony Sinhapura i raspaŭsiudžvajecca tolki na hramadzian krainy.
«My chočam dać zahadzia baćkam dziaciej mužčynskaha połu usiu nieabchodnuju infarmacyju ab abaviazkovym prachodžańni vajskovaj słužby», — zajaviŭ aficyjny pradstaŭnik minabarony.
Jak rastłumačyli ŭ viedamstvie, nastupny napamin ab nieabchodnaści słužyć u vojsku pryjdzie ŭžo ŭ 13-hadovym uzroście budučych pryzyŭnikoŭ. I z hetaha momantu baćki, kali zachočuć vyvieźci svajho syna za miažu na termin ad 3 miesiacaŭ i bolš, u tym liku i na vučobu, pavinny buduć atrymać adpaviedny dazvoł uładaŭ.
Kali junaku spaŭniajecca 16,5 hadoŭ, jaho zarehistrujuć u sistemie voinskaha ŭliku. Chłopčyki pavinny buduć prajści miedkamisiju i pry dasiahnieńni 18-hadovaha ŭzrostu papoŭnić šerahi ŭzbrojenych sił Sinhapura.
Voinskaja pavinnaść dla mužčyn u Sinhapury źjaŭlajecca abaviazkovaj. Adsłužyć u vojsku taksama pavinny i zamiežniki, jakija atrymali vid na žycharstva ŭ druhim pakaleńni. Termin słužby doŭžycca ad 22 da 24 miesiacaŭ, i za hety čas pradastaŭlajecca adpačynak praciahłaściu nie bolš za 14 sutak. Zhodna z zakonam krainy, navabraniec moža vybrać miesca słužby: uzbrojenyja siły, palicyju abo siły samaabarony (pažarnyja častki).
Paśla zakančeńnia słužby ŭ armii mužčyna stanovicca reziervistam i da 40 hadoŭ u abaviazkovym paradku kožny hod prachodzić 2-tydniovyja vajennyja zbory. Adterminoŭki ad pryzyvu pradstaŭlajucca ŭ vyklučnym vypadku na niekalki miesiacaŭ. Pavodle aficyjnych danych, tolki 10 čałaviek za apošniaje dziesiacihodździe atrymali padobnuju palohku. Siarod ich płyviec Džozef Skulinh, jaki byŭ vyzvaleny na try hady dla padrychtoŭki da Alimpijady-2016 i apraŭdaŭ davier, vyjhraŭšy załaty miedal.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary