Futbalisty moładzievaj zbornaj Biełarusi pad kiraŭnictvam novaha hałoŭnaha treniera Ludasa Rumbucisa razhromna prajhrali 31 maja ravieśnikam z Rasii ŭ tavaryskim matčy ŭ Maskvie.
Biełaruskija futbalisty prapuścili 7 miačoŭ. Pry hetym paśla pieršaha tajma lik byŭ 0:2, a ŭ druhim rasijanie zabili jašče 5 razoŭ.
Pa chodzie sustrečy bramu biełaruskaj kamandy abaraniali try hałkipiery. Dzianis Ščarbicki prapuściŭ dvojčy, Maksim Šyšłoŭ — trojčy, Pavieł Paŭlučenka — dvojčy.
7 červienia na minskim stadyjonie «Traktar» matčam suprać kamandy San-Maryna moładzievaja zbornaja Biełarusi startuje ŭ adboračnym turniry moładzievaha ČIE-2019. Sapiernikami biełaruskaj družyny pa 1-j kvalifikacyjnaj hrupie stanuć taksama kamandy z Charvatyi, Čechii, Hrecyi, Małdovy. Pieramožcy 9 adboračnych hrup atrymajuć pucioŭki ŭ finalnuju stadyju turniru, čatyry najlepšyja kamandy z tych, što zaniali druhija miescy, buduć padzielenyja na dźvie pary i praviaduć stykavyja matčy za pucioŭki na čempijanat Jeŭropy, piša Tut.by.
Finalnuju stadyju moładzievaha Jeŭra-2019 prymie Italija, hety turnir stanie taksama kvalifikacyjaj na Alimpijadu-2020 u Tokia.
Siońnia ž, 1 červienia, tavaryski matč praviadzie nacyjanalnaja zbornaja. Jana zhulaje ŭ haściach suprać Šviejcaryi.
9 červienia — u Barysavie matč adboračnaha turniru ČS pa futbole suprać Bałharyi.
Kamientary