Z nadychodam letniaha siezonu usio bolš minčan źviartajucca ŭ raźlikova-daviedačnyja centry z zajavami na pieraraźlik płaty za žyllova-kamunalnyja pasłuhi, raspaviała ahienctvu «Minsk-Naviny» načalnik RDC-10 Frunzienskaha rajona Natalla Cimaškova ŭ čas praviadzieńnia dnia infarmavańnia ŭ kantakt-centry Minharvykankama.
«Z 1 maja biahučaha hoda ad žycharoŭ damoŭ, jakija znachodziacca na absłuhoŭvańni našaha raźlikova-daviedačnaha centra, pastupiła bolš za 40 padobnych zajaŭ, — paviedamiła Cimaškova. — U asnoŭnym heta piensijaniery, jakija źjazdžajuć na dačy, u viosku, a taksama adpuskniki. Zhodna z pastanovaj Savieta Ministraŭ Respubliki Biełaruś ad 16 śniežnia 2005 h. № 1466, prava na pieraraźlik majuć spažyŭcy ŽKP, jakija adsutničajuć pa miescy pastajannaha žycharstva bolš za 10 sutak zapar. Varta źviarnuć uvahu, što pa prybyćci dadomu jany abaviazanyja na praciahu 7 dzion pryjści ŭ RDC, padać zajavu na pieraraźlik i padać dakumienty, jakija paćviardžajuć adsutnaść. Naprykład, dačniki — daviedku ad staršyni sadavodčaha tavarystva. Pryčym heta pavinna być daviedka ŭstanoŭlenaha ŭzoru — jaho možna znajści i razdrukavać na pravavych sajtach abo ŭziać błank u RDC napiaredadni adjezdu».
Pieraraźlik časova adsutnamu žycharu robiać pa nastupnych ŽKP: zvarot z CKA, chałodnaje i haračaje vodazabieśpiačeńnie, kanalizacyja, hazazabieśpiačeńnie, a taksama elektraenierhija, jakaja spažyvajecca na pracu lifta. Kali ŭ domie lifta niama abo kvatera raźmieščanaja nižej za druhuju prypynačnuju placoŭku, zamiest hazavaha abstalavańnia staić elektraplita, na vadu i haz ustalavanyja ličylniki, to pieraraźlik pa adpaviednych pasłuhach nie ažyćciaŭlajecca, adznačyła surazmoŭca.
Ciapier čytajuć
Śviatłana Cichanoŭskaja zaviała treds. Što joj pišuć biełarusy?2
Kamientary