Paloty dronaŭ nad masavymi mierapryjemstvami mohuć abmiežavać, paviedamiŭ TUT.BY načalnik Kontrterarystyčnaha ŭpraŭleńnia KDB Siarhiej Reŭtovič padčas vučeńniaŭ siłavych słužbaŭ u minskim aeraporcie.
Siońnia ŭ aeraporcie Minska prachodziać vučeńni, na jakich śpiecsłužby adpracoŭvajuć, jak pavodzić siabie, kali terarysty zachapili samalot i aŭtobus, uziali pasažyraŭ u zakładniki.
Supracoŭniki KDB adznačajuć: kolkaść teraktaŭ u pavietry za apošnija hady vyrasła, treba być hatovym dziejničać u ekstranaj situacyi. Paśla teraktaŭ u Łondanie, kali mašyna zajazdžaje ŭ natoŭp, biełaruskija siłaviki stali analizavać situacyju, kab hety scenar nie paŭtaryŭsia ŭ nas.
— Toj prafiesijanalizm, jaki jość u śpiecsłužby, dapamahaje prahnazavać ataki. Što tyčycca łondanskich padziej, to raźvitaść teraryzmu nie pradkazalnaja, tamu my ŭdaskanalvajem dziejańni ŭ adkaz, — kamientuje Siarhiej Reŭtovič.
— Heta praŭda, što padčas džazavych viečaroŭ u Minsku tak šmat na vulicy aŭtazakaŭ, kab nie paŭtaryŭsia łondanski scenar?
- Voś heta praŭda. Na siońniašni dzień jość jašče adna prablema - heta aparaty drony. Samaja elemientarnaje — moža skončycca elemient siłkavańnia i robat zvalicca na hałavu čałavieka, taksama jon moža być nakiravany ŭ pravakacyjnych dziejańniach, - adznačaje Siarhiej Reŭtovič. — Zaraz dziaržorhany vyrašajuć hetuju prablemu na zakanadaŭčym uzroŭni.
— Drony całkam zabaroniać?
— Nie, prosta buduć vyznačanyja praviły pry praviadzieńni hramadskich, spartyŭna-masavych mierapryjemstvaŭ. Paloty nie zabaroniać, ale abmiažujuć. Da prykładu, kali na mierapryjemstvie šmat dziaciej, žančyn, starych, to, naturalna, buduć uviedzieny abmiežavańni pa vyšyni i času palotaŭ dronaŭ.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie30
Kamientary