Saudaŭskaja Aravija i try inšyja arabskija krainy praciahnuli na 48 hadzin kančatkovy termin, u jaki ad Katara patrabujuć vykanać šerah patrabavańniaŭ. U inšym vypadku krainie pahražajuć dadatkovymi sankcyjami, paviedamlaje VVS.
Pačatkovy hraničny termin, da jakoha Katar mieŭ pahadzicca na 13 patrabavańniaŭ, u tym liku na zakryćcio kanała «Al-Džazira», skančajecca ŭ niadzielu.
Sam Katar zajaviŭ, što daść aficyjny adkaz ŭ liście, jaki ŭ paniadziełak dastaviać u Kuviejt.
U paniadziełak ministr zamiežnych spraŭ krainy naviedaje Kuviejt, kab pieradać list. Kuviejt źjaŭlajecca hałoŭnym pasiarednikam u kryzisie ŭ Piersidskim zalivie.
Raniej kiraŭnik MZS Katara Šejch Muchamied bin Abdułrachman bin Džasim Al-Tani zajaviŭ, što jaho kraina adchiliła vyłučanyja patrabavańni, ale hatovaja pačać dyjałoh.
Užo niekalki tydniaŭ kraina žyvie va ŭmovach niabačanych dypłamatyčnych i ekanamičnych sankcyj z boku Saudaŭskaj Aravii i jaje sajuźnikaŭ - Jehipta, Abjadnanych Arabskich Emirataŭ (AAE) i Bachrejna.
23 červienia čatyry krainy ŭstalavali dla Katara 10-dzionny termin, za jaki jon pavinien byŭ pahadzicca na ich patrabavańni. Siarod ich - zakryćcio tureckaj vajennaj bazy i spynieńnie dypłamatyčnych adnosin ź Iranam.
Uviedzienyja abmiežavańni vyklikali niestabilnaść u Katary, bahataj naftaj i hazam krainie, jakaja, zrešty, šmat u čym zaležyć ad impartu, kab zadavolić asnoŭnyja patreby svajho 2,7-miljonnaha nasielnictva.
Ciapier Iran i Turcyja pastaŭlajuć tudy ŭsio bolš charčavańnia i inšych tavaraŭ.
Saudaŭskaja Aravija, Jehipiet, AAE i Bachrejn abvinavačvali Katar u tym, što jon padtrymlivaje ich praciŭnikaŭ, u tym liku isłamisckija palityčnyja ruchi - takija jak «Braty-musulmanie» i daje im płatformu dla zajaŭ na svaim spadarožnikavym kanale «Al-Džazira».
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary