14-hadovaja dziaŭčynka z Murmanska viezła ŭ letnik harełku, kańjak i atrymany za seks amfietamin
Dziaŭčynku, jakaja jechała na ciahniku z Murmanska ŭ dziciačy łahier u Samarskaj vobłaści (Rasija), vykryli ŭ kradziažy załatych piarścionkaŭ u čałavieka, jaki jaje supravadžaŭ. Pra heta 63.ru paviedamiła načalnik adździeła pa spravach niepaŭnaletnich Ała Niačosava.
Padčas ahladu rečaŭ padletka palicejskija taksama znajšli ałkahol i amfietamin. «U čamadanie dziaŭčynki znajšli niekalki butelek harełki i kańjaku. Ich najaŭnaść dziaŭčynka patłumačyła tym, što źbirałasia śviatkavać u łahiery svoj dzień naradžeńnia. Pavodle jaje słoŭ, śviata biez vypiŭki - nie śviata», - adznačyła Niačosava. Jana dadała, što narkotyki 14-hadovaja školnica patłumačyła tym, što «ich joj u jakaści apłaty pieradaŭ mužčyna, jakomu jana akazvała seksualnyja pasłuhi».
Incydent adbyŭsia ŭ noč na subotu.
Načalnik adździeła pa spravach niepaŭnaletnich raspaviała, što dziaŭčynku vychoŭvaje tolki maci. «Jana kupiła dziciaci elektronny kvitok dadomu. Ciapier dziaŭčynka znachodzicca ŭ Samary pad achovaj. Uviečary jana adpravicca dadomu ŭ supravadžeńni supracoŭnikaŭ palicyi», - paviedamiła Niačosava.
Kamientary