152, 250, 512 hadoŭ: jakija istoty žyvuć daŭžej za ŭsich?
Heta Žanna Kalman. Žančyna naradziłasia ŭ 1875 hodzie i pražyła na hetym śviecie 122 z pałovaj hady, skanaŭšy ŭ 1997-m.
Francuzskaja doŭhažycharka źjaŭlajecca najstarejšaj ź ludziej, jakija kali-niebudź žyli na Ziamli i čyje daty naradžeńnia i śmierci dakumientalna zaśviedčanyja. Kalman nie viała zdarovy ład žyćcia: na praciahu 95 hadoŭ jana kuryła, kinuŭšy tolki ŭ 117-hadovym vieku paśla apieracyi. Pa jaje słovach, jana kinuła kuryć, bo praz amal poŭnuju stratu zroku nie mahła prykuryć samastojna, a prasić kahości inšaha joj było niajomka.
122 hady — šmat dla ludziej. Ale dla niekatorych inšych ziamnych istot heta tolki pałova ci navat čverć žyćcia. Prapanujem vam rejtynh samych viadomych istot-doŭhažycharoŭ.
Aziorny asietr — 152
Asiatry dasiahajuć daŭžyni 2,8 mietra. Sustrakajucca ŭ Paŭnočnaj Amierycy — u basiejnie raki Misisipi, a taksama ŭ voziery Vinipieh i Vialikich aziorach.
Hrenłandski kit — 210
Žyvie ŭ palarnych rajonach Paŭnočnaha paŭšarja. Dasiahaje daŭžyni 22 mietraŭ! Pakolki žyvuć kity ŭ surovych umovach, nazirać za imi vielmi składana. Ale navukoŭcy kažuć, što niekatoryja asobiny dažyvali da 200—211 hadoŭ.
Karp koi — 226
Jaskravyja karpy koi — heta dekaratyŭny vid zvyčajnych karpaŭ. Ich razvodziać u štučnych kamianistych vadajomach i dekaratyŭnych sažałkach. Samym starym karpam koi ličycca ryba Chanaka, jakaja pamierła 7 lipienia 1977 hoda ŭ vieku 226 hadoŭ.
Hałapahoskaja čarapacha — 250
Čarapachi — viadomyja doŭhažychary. Absalutny rekord siarod čarapach pa praciahłaści žyćcia ŭstanaviła adna z hałapahoskich čarapach, dažyŭšy da 250 hadoŭ.
Malusk Arctica islandica — 507
U 2006 hodzie na bierah Isłandyi vykinuła maluska, jakomu navukoŭcy potym dali imia Min. Jahony viek byŭ vyznačany šlacham padličeńnia hadavych kolcaŭ rostu na pancyry. 507 hadoŭ!
Hrenłandskaja palarnaja akuła — 512
Hrenłandskaja palarnaja akuła pryznanaja navukoŭcami samym daŭhaviečnym vidam chrybietnych. Bijołahi miarkujuć, što ryba zdolnaja pražyć kala 500 hadoŭ. U 2010-2013 hadach navukoŭcy pravodzili vymiareńni daŭžyni tułava i radyjevuhlarodny analiz kryštalika voka 28 hrenłandskich akuł. U vyniku akazałasia, što najbolšaja ź ich, piacimietrovaja, mahła źjavicca na śviet 512 hadoŭ tamu.
Ciapier čytajuć
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie44
Kamientary