Jeŭrapiejski sud pravasudździa adchiliŭ pazovy Vienhryi i Słavakii, jakija patrabavali admianić uviedzienyja ŭ 2015 hodzie kvoty ŭ dačynieńni da pryjomu mihrantaŭ, paviedamlaje VVS.
Vienhryja nie pryniała ni adnaho mihranta z času ŭstupleńnia ŭ siłu dva hady tamu jeŭrapiejskaj sistemy kvot pa raźmiaščeńni mihrantaŭ, jakaja pavinna była źnizić cisk na takija krainy, jak Hrecyja i Italija, kudy kiravałasia asnoŭnaja masa prybyvajučych u Jeŭropu mihrantaŭ.
U ramkach hetaj sistemy było pryniata ŭsiaho 28 tysiač mihrantaŭ, choć u momant jaje zaćviardžeńnia mierkavałasia, što jana achopić da 160 tysiač čałaviek.
Vienhryja, Słavakija, Čechija i Rumynija hałasavali suprać uviadzieńnia kvot. Adnak jeŭrapiejskija ŭłady ŭ Luksiemburhu zajavili, što uviedzienaja sistema kvot źjaŭlajecca abaviazkovaj dla ŭsich siabroŭ ES, niezaležna ad taho, ci hałasavali jany za jaje. Vienhryja pavinna była pryniać 1294 biežancy, Słavakija — 802.
Na siońniašni dzień Słavakija pryniała tolki kala dziasiatka biežancaŭ.
Źviarnuŭšysia z pazovami ŭ Jeŭrapiejski sud pravasudździa, Vienhryja i Słavakija śćviardžali, što pry pryniaćci sistemy kvot byli dapuščanyja pracedurnyja parušeńni, i što kvoty nie źjaŭlajucca adekvatnaj mieraj u adkaz na mihracyjny kryzis.
Sudovyja ŭłady abiedźviuch krain zajaŭlali, što sistema kvot uzmacniaje niebiaśpieku isłamskaha teraryzmu i ŭjaŭlaje ź siabie pahrozu dla ich adnarodnych u etničnym dačynieńni hramadstvaŭ.
Ich pazovy byli padtrymanyja Polščaj, dzie da ŭłady pryjšoŭ pravy ŭrad.
Adnak ciapier jany adchilenyja najvyšejšaj sudovaj instancyjaj ES, u vyrašeńni jakoj havorycca: «Sud adchilaje pazovy, pradstaŭlenyja Słavakijaj i Vienhryjaj, u dačynieńni da časovaha miechanizmu abaviazkovaha raźmiaščeńnia biežancaŭ, jakija źviarnulisia z prośbaj pra prytułak».
«Hety miechanizm dapamahaje Hrecyi i Italii spraŭlacca z nastupstvami mihracyjnaha kryzisu 2015 hoda i źjaŭlajecca praparcyjnaj mieraj».
Rašeńnie suda kančatkovaje i nie padlahaje apielacyi.
Vienhryja, Polšča i Čechija mohuć taksama sutyknucca z sudovymi mierami z boku Jeŭrapiejskaj kamisii ŭ suviazi ź nievykanańniem imi abaviazkovaj prahramy raźmiaščeńnia biežancaŭ.
Jeŭrapiejskaja kamisija moža padać u JESP pazovy ab nievykanańni i zapatrabavać vypłaty značnych štrafaŭ.
Jeŭrapiejski sajuz razhladaje palityku raźmiaščeńnia mihrantaŭ, jakija prybyvajuć u Jeŭropu, u jakaści važnaj prajavy palityčnaj salidarnaści krain — siabroŭ ES.
U ramkach hetaj palityki ES uvioŭ sistemu kvot pa raźmiaščeńni mihrantaŭ u asobnych krainach, jakaja pavinna palehčyć ciažar dla Hrecyi i Italii, kudy prybyvaje vialikaja častka mihrantaŭ.
Choć Vienhryja i Słavakija paciarpieli niaŭdaču ŭ sprobach damahčysia sudovaha rašeńnia ab admienie hetaj sistemy, heta nie vyrašaje palityčnaj prablemy. Jeŭrapiejskaj kamisii, mahčyma, pryjdziecca pryhrazić finansavymi sankcyjami krainam, jakija admaŭlajucca pahadzicca ź sistemaj kvot, kali pastanova JESP nie paŭpłyvaje na ich pazicyju.
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie31
Kamientary