Ułady ZŠA nie abviaščali vajnu Paŭnočnaj Karei, zdahadki ab advarotnym źjaŭlajucca «absurdnymi», pieradaje Reuters zajavu Biełaha doma.
«My nie abjaŭlali vajnu Paŭnočnaj Karei», — zajaviła pradstaŭnik prezidenckaj administracyi Sara Sanders žurnalistam.
Ministr zamiežnych spraŭ Paŭnočnaj Karei Li Jon Cho raniej u paniadziełak zajaviŭ, što Pchieńjan ličyć siabie ŭpaŭnavažanym źbić stratehičnyja bambardziroŭščyki VPS ZŠA, navat kali tyja nie znachodziacca ŭ pavietranaj prastory krainy. Čynoŭnik zajaviŭ ab rastučaj niepaźbiežnaści rakietnaj ataki na ZŠA z-za ahresiŭnaj i «samahubnaj» rytoryki Trampa. Prezident ZŠA, miarkujuć u Pchieńjanie, «upieršyniu abviaściŭ vajnu» Paŭnočnaj Karei.
Na minułym tydni z anałahičnymi zajavami vystupiŭ lidar krainy Kim Čen Yn, padrychtavaŭšy asobny zvarot, jaki raspaŭsiudziła paŭnočnakarejskaje ahienctva CTAK. Jon nazvaŭ Vašynhton «varjackim ašukancam» i «spałochanym sabakam», a Donalda Trampa — «psichatyčnym hanhsteram».
Prezident ZŠA, vystupajučy na 72-j siesii Hienieralnaj asamblei AAN, padkreśliŭ, što ŭłady zdolnyja «całkam źniščyć Paŭnočnuju Kareju», kali taja nie spynić prahramu pa raspracoŭcy jadziernaj zbroi. Pry hetym Tramp skazaŭ, što spadziajecca, što vyrašać karejskuju prablemu vajennym šlacham nie zapatrabujecca. Reahujučy na słovy kiraŭnika MZS KNDR, Tramp taksama napisaŭ u Twitter, što «kali jon sapraŭdy pieradaje dumki karantyški z rakietaj, to jany doŭha nie praciahnuć».
Kamientary