Žycharka Italii zładziła niezvyčajnaje viasielle. 40-hadovaja trenier pa fitnesie Łaura Miesi arhanizavała pyšnuju viasielnuju cyrymoniju z tortam i siabroŭkami niaviesty, ale biez hałoŭnaha piersanaža — žanicha, paviedamlaje Bi-Bi-Si.
«Ja ćviorda ŭpeŭnienaja, što kožny z nas pavinien u pieršuju čarhu lubić siabie, — kaža jana. — Možna zładzić sabie kazku navat biez prynca».
Cyrymonija, viadoma, nie maje jurydyčnaj siły, adnak źjaŭlajecca pakazalnym prykładam rasutčaj suśvietnaj tendencyi da samastojnaha šlubu, zvanaha «sołahamijaj». Prychilniki takich cyrymonij kažuć, što havorka tut idzie pra luboŭ da sabie i pryniaćcie, i pretendujuć na toje ž sacyjalnaje ŭchvaleńnie, što i tradycyjnyja žanatyja pary.
Łaura kaža, što ideja ažanicca samoj z saboj pryjšła da jaje dva hady tamu, kali raspalisia jaje 12-hadovyja adnosiny z chłopcam.
«Ja skazała siabram i siamji, što kali nie znajdu druhuju pałoŭku da 40 hadoŭ, to ažaniusia sama z saboj. Kali adnojčy ja znajdu čałavieka, ź jakim zmahu płanavać budučyniu, to budu ščaślivaja, ale majo ščaście nie zaležyć vyklučna ad jaho».
«Viasielli» takoha rodu — vychad nie dla ŭsich, śćviardžaje jana. «Kab ažanicca z saboj, patrebnaja peŭnaja suma hrošaj, padtrymka navakolnych, i — pierš za ŭsio — niekatoraja dola varjactva».
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie49
Kamientary